Në një ceremoni të veçantë, Ministri i Arsimit dhe Shkencës Krasimir Vëllçev lançoi ndërtimin e Qendrës Kombëtare STEM në Parkun Teknologjik të Sofjes (STEM  - Science, Technology, Engineering and Mathematics). Investimi kap vlerën e mbi 34 milionë levash në kuadrin e Planit të Rimëkëmbjes dhe Qëndrueshmërisë. Qendra do të trajnojë mësues, nxënës, studentë, profesorë universiteti, si dhe ekipet tona olimpike, njoftoi Ministria e Arsimit dhe Shkencës. Njësia arsimore do t'i mbështesë shkollat bullgare në prezantimin e materialit arsimor në një mënyrë të re: në vend të riprodhimit mekanik të njohurive - formimin e aftësive dhe kompetencave specifike. Qendra do të krijojë laboratorë modernë në pesë fusha kryesore - shkenca natyrore, matematikë dhe informatikë, robotikë dhe sisteme kiberfizike, teknologji të gjelbra dhe zhvillim të qëndrueshëm, dizajn dhe prototipim 3D.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: mon.bg