24 maji bashkoi bullgarët në mbarë botën, të cilët festuan Ditën e Vëllezërve të Shenjtë Kirill dhe Metodij, alfabetin, arsimin dhe kulturën bullgarе, si dhe letërsinë sllave me ngjarje të ndryshme.
Një program i pasur festiv u organizua sot në muzeun e fshatit “Dimitrie Gusti” në Bukuresht të Rumanisë. U demonstruan kostume popullore bullgare që vishen në veri dhe në jug të Danubit, u prezantua një ekspozitë fotografike me foto të përfaqësuesve të komunitetit bullgar dhe u mbajtën punëtori krijuese për fëmijë për vizatim dhe krijim maskash kukerësh, njoftoi misioni ynë. Në fqinjin tonë verior 24 maji është shpallur Ditë e Gjuhës Bullgare që nga viti 2015
Përshëndetje për festën bëri edhe deputeti ukrainas dhe president i Shoqatës së Bullgarëve në Ukrainë, Anton Kisse, i cili theksoi: "Për më shumë se dy shekuj, bullgarët në Ukrainë kanë transmetuar të folurën, kulturën, traditat dhe zakonet e tyre amtare bullgare brez pas brezi. Në shkollat tona dëgjohet e folura bullgare tingëlluese, dhe në qendrat e kulturës këndohen këngë magjepsëse vendase."
Bullgarët në Vjenë tradicionalisht vendosën lule para monumentit të vëllezërve të shenjtë Kirill dhe Metodij në oborrin e Institutit Kulturor Bullgar "Haus Wittgenstein". Maturantët e shkollës vendase bullgaro-austriake “Shën Kirill dhe Metodij” dhanë një koncert festiv.
24 maji është shpallur zyrtarisht Dita e Trashëgimisë Kulturore Bullgare në qytetin Niagara Falls, Ontario, njoftoi disa ditë më parë Konsullata jonë e Përgjithshme në Toronto. "Deri më tani, nuk ka pasur iniciativa të ngjashme në praktikën komunale të qytetit dhe Bullgaria është ndër vendet e para që mund të mburret me ditën e vet të trashëgimisë kulturore të festuar nga një komunë", theksuan diplomatët tanë në Facebook.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: Facebook/muzeulsatului, Facebok/Shoqata e Bullgarëve në Ukrainë, Facebook//HausWitttgenstein
Popullsia e riprodhimit të lejlekëve të bardhë - një nga zogjtë më të dashur në vendin tonë - është rritur me 33 për qind në vitet e fundit, sipas të dhënave nga një regjistrim ndërkombëtar i cituar nga BGNES. Sipas rezultateve, në Bullgari janë..
Gazetari investigativ bullgar Hristo Grozev mori çmimin e tij si Gazetari Evropian i Vitit në një ceremoni zyrtare në Berlin. Ai ishte një figurë kyçe në kërkimin e ish-menaxherit të Wirecard, Jan Marsalek, në Moskë, si dhe në zbulimin e një numri..
Një interes rekord është treguar nga bashkatdhetarët tanë jashtë vendit për programin "Unë Zgjedh Bullgarinë" të Ministrisë së Punës dhe Politikës Sociale. Kjo u raportua në një seancë dëgjimore në Komitetin parlamentar për Politikat për Bullgarët..
Radioja Kombëtare Bullgare ishte për herë të parë mikpritëse e Konferencës Vjetore të Shoqatës Ndërkombëtare të Mediave Publike ( Public Broadcasters..
Instituti për Shkencat Kompjuterike, Inteligjencën Artificiale dhe Teknologjitë (INSAIT) pranë Universitetit “Shën Klimenti i Ohrit” njoftoi lansimin e..
Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë –..
Vranësira të dendura me shi
Diell, re, shi, bubullime
Reshje