Vraca dhe rajoni janë vendosur vitet e fundit si qendra ekonomike e rajonit Veriperëndimor të Bullgarisë. Sipas të dhënave më të fundit nga Instituti Kombëtar i Statistikave, të cilat mbulojnë vitin 2023, rajoni i Vracës renditet i treti në nivel kombëtar për sa i përket Produktit të Brendshëm Bruto për frymë me 27 113 leva për person. Më lart në renditje janë vetëm Sofja dhe Stara Zagora.
Më 1 qershor, Vraca dhe banorët e saj kremtojnë festën e qytetit. Ngjarja është në prag të ditës kur i gjithë vendi përulet para veprës së revolucionarit dhe poetit të madh Hristo Botevit dhe atyre që vdiqën për lirinë dhe pavarësinë e Bullgarisë - 2 qershor. Prandaj festa e Vracës është pjesë e Ditëve tradicionale të Botevit, të cilat organizohen atje midis 24 majit dhe 2 qershorit. Në vitin 2025, do të mbushen 149 vjet nga vepra e Botevit dhe çetës së tij.
Festimet kushtuar Vracës fillojnë me një shërbesë përkujtimore për Hristo Botevin dhe çetën e tij në kishën "Ngjitja e Shenjtë", e më pas do të mbahet një mbledhje solemne e Këshillit Bashkiak, në të cilën do të ndahen "Çmimet e Vracës" dhe titulli "Qytetar Nderi i Vracës". Në fillim të pasdites do të mbahet një pelegrinazh në vendin e prehjes së poetit revolucionar në Ballkanin e Vracës, ndërsa në fund të ditës do të mbahet një koncert solemn dhe një shfaqje fishekzjarrësh.
Disa ditë para ngjarjeve zyrtare, një nga simbolet e qytetit – monumenti i Hristo Botevit – u rikthye në vendin e tij. Në mars, monumenti u çmontua për restaurim, për të cilin shteti ndau 700 000 leva (rreth 350 000 euro) . Nën vëzhgimin e dhjetëra qytetarëve, figura metalike u vendos përsëri në piedestalin e saj. Dhe Orkestra Frymore e qytetit iu bashkua spontanisht ngjarjes, duke interpretuar marshin e dashur “Danubi i Qetë dhe i Bardhë”:
“Jemi shumë të lumtur për faktin se monumenti është tek ne, gati, i restauruar. Ky është një nga simbolet e qytetit, i cili na ka munguar prej kohësh”, ndanë muzikantët para korrespondentes së Radios Kombëtare Bullgare Iva Antonova.
Përpiloi: Ivan Gergov
Përgatiti në shqip dhe publikoi: Vesella Mançeva
Foto: vratsamuseum.com, Bashkia e Vracës, BTA, Iva Antonova
“Për Bullgarinë, çdo ditë është 24 maj. Por nuk ka asgjë më të natyrshme dhe më të mirë se hapja e Panairit Pranveror të Librit në ditën e tretë të festës më të ndritur bullgare”, tha nënpresidentja Ilijana Jotova. Panairi i 17-të i Librit në Sofje do..
Nga fillimi i vitit shkollor 2025/26, gjuha bullgare, historia, folklori dhe traditat do të bëhen pjesë e programit të bullgaristikës në një nga universitetet më prestigjioze në SHBA – Universiteti i Illinois-it, njoftoi Ministria e Arsimit dhe Shkencës...
Një ditë pas 24 majit - Ditës së alfabetit, arsimit dhe kulturës bullgare, si dhe të letërsisë sllave, po tregojmë empati për përpjekjet e njerëzve me gjuhë amtare të huaj për t'u përshtatur dhe integruar në shoqërinë tonë. E drejta për..
Institucionet shtetërore bullgare kanë marrë një angazhim të qartë për lehtësimin e qasjes në tregun e punës, dhe në territorin e Bullgarisë në..
Një festë, e mbështetur nga autorë bullgarë të letërsisë artistike nga vendi dhe jashtë tij, do të zhvillohet më 14 qershor në qytetin gjerman Hamburg. Për..
Në qendër të Pragës, mes godinave elegante të shekullit XIX dhe linjave të gjalla të tramvajit, mund të gjeni një rrugë me një emër krejt të njohur –..
Pjesërisht me re
Vranësira të dendura
Diell, re, shi, bubullime
Vranësira të ndryshueshme mundësi për reshje shiu