30% e bullgarëve ose 1.8 milionë njerëz bëjnë pjesë në grupin e familjeve, të cilat nuk kanë qasje në shërbimet bazë energjetike për ngrohje, ftohje, ndriçim dhe furnizim të përshtatshëm me energji për pajisjet shtëpiake, njoftoi reporterja e BNR-së Cvetelina Stojanova. 365 mijë të tjerë kanë statusin e klientëve vulnerabël. Njerëzit që nuk janë në gjendje t'i mbajnë shtëpitë e tyre mjaftueshëm ngrohtë përbëjnë rreth 21%.
Në një deklaratë të Këshillit Ekonomik dhe Social theksohet se qeveria po mbetet prapa në aplikimin e mekanizmave për vlerësimin, identifikimin dhe monitorimin e familjeve me varfëri energjetike në vendin tonë. Institucioni rekomandon shtimin e indeksit të inflacionit në formulën për përcaktimin e vijës zyrtare të varfërisë.
Në korrik të vitit të kaluar, çmimi mesatar mujor i energjisë elektrike në Bullgari, Rumani dhe Greqi ishte mbi 110% më i lartë se ai në vendet e Evropës Qendrore si Gjermania, Austria dhe Republika Çeke, siç del qartë nga dokumenti, në të cilin theksohet: “Si rezultat, biznesi bullgar dhe shteti bullgar, nëpërmjet kompensimit që ofron, paguajnë një çmim të padurueshëm të lartë për energjinë elektrike, dhe kjo ka një ndikim jashtëzakonisht negativ në konkurrueshmërinë ekonomike dhe standardin e jetesës.”
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: BGNES
Mbi 936 000 pensionistë në Bullgari marrin pensione minimale. Sipas statistikave të Institutit Kombëtar të Sigurimeve Shoqërore, mbi gjysmë milioni prej tyre kanë një pension minimal për kohëzgjatjen e shërbimit dhe moshën, i cili vitin e kaluar..
Ministria e Punës dhe Politikës Sociale ka siguruar 14 milionë leva për pajisje dhe furnizime për t'u përballur me fatkeqësitë. Fondet janë ndarë në kuadër të një projekti të Programit të Zhvillimit të Burimeve Njerëzore, tha Ministri i Çështjeve..
Që nga fillimi i vitit, janë paguar61,850,999 euro në bazë të skemave të ndihmës shtetërore për fermerët bullgarë. Të dhënat janë nga faqja e internetit e Fondit Shtetëror "Bujqësia". Sipas informacionit në faqen e internetit, nga 16 tetori deri më..