Dega e Universitetit të qytetit bullgar Ruse në qytetin Taraklia të Moldavisë do të jetë në gjendje të pranojë deri në 150 të rinj me origjinë bullgare për trajnim në diplomat arsimore dhe kualifikuese "bachelor" dhe "master", si dhe 5 persona për gradën shkencore "doktor", njoftoi shërbimi qeveritar për shtyp.

Qëllimi i ndryshimeve në Dekretin nr. 103/1993 është të përmbushë nevojat arsimore të atyre që jetojnë në rajon duke siguruar akses në arsim modern, të lartë evropian të cilësisë së nevojshme. Kjo do t'u garantojë atyre zhvillim të mirë personal dhe realizim profesional, dhe nga ana tjetër, do të forcojë më tej politikën bullgare të ndjekur ndaj diasporës bullgare në rajon. Dega në Taraklia është kyçe për ruajtjen e lidhjes midis Bullgarisë dhe komunitetit bullgar në Moldavi, gjë që kërkon si rritjen e kuotave të trajnimit, ashtu edhe kryerjen e provimeve në vend për të lehtësuar kandidatët. 

Sipas Dekretit nr. 103 të Këshillit të Ministrave të vitit 1993 mbi zbatimin e aktiviteteve arsimore ndër bullgarët jashtë vendit, jepet mundësia për pranimin e gjithsej 2000 të rinjve nga diaspora.

Lexoni më shumë nga koleksioni i Radio Bullgarisë:

• Kryetari i bashkisë së Taraklisë pret bashkëpunim më aktiv me autoritetet bullgare

• Universiteti i Taraklisë tani është pjesë e Universitetit "Angell Kënçev" në qytetin bullgar Ruse

• Universiteti i Ruses është gati të presë më shumë se 3000 studentë të rinj

• Në Taraklia do të ketë një qendër informative kulturore bullgare

• Bullgarët në Moldavi nuk e harrojnë atdheun, por ka ardhur koha që ai t'i dëgjojë

• Bullgarët në Moldavi duan te kenë kolegj të tyre në Tarakli

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: mfa.bg