Personalitete publike kërkuan nga shteti të marrë një qëndrim për situatën në Gaza. "Ndërkohë që në Gjykatën Ndërkombëtare të Drejtësisë pranë OKB-së po zhvillohet një proces mbi akuzat për gjenocid, Bullgaria nuk ka të drejtë morale të heshtë apo të fshihet pas formulimeve procedurale. Përkundrazi – vendi ynë ka detyrimin gjithmonë të jetë në anën e të shtypurve!", shkruajnë ata, duke e adresuar letrën e tyre te presidenti Rumen Radev, kryeministri Rosen Zheljazkov dhe ministri i punëve të jashtme Georg Georgiev. Sipas tyre, gjatë vitit të fundit qeveria më tepër mbështet veprimet e Izraelit, por nuk ofron argumente të qarta për këtë.
"Që në vitin 1988 Bullgaria e njohu Palestinën dhe këtë askush nuk e mohon, por sot veprimet e shtetit nuk janë në drejtim të mbështetjes së zgjidhjes me dy shtete dhe nuk punon mjaftueshëm për arritjen e paqes në rajon apo të paktën për ndërprerjen e zjarrit", tha për BNR Diana Hjusein, specialiste për marrëdhënie me publikun në situata krize dhe një nga iniciatorët e kësaj thirrjeje, e cila deri tani u nënshkrua nga më shumë se 1000 persona.
"Vendi ynë ndjek një politikë të qëndrueshme që toleron veprimet e qeverisë së Benjamin Netanyahut, përfshirë edhe kur u vra bashkatdhetari ynë – punonjës i OKB-së, kapiten Marin Marinov. Demonstrimi i fundit i kësaj politike është refuzimi nga Ministria e Punëve të Jashtme që vendi ynë t’i bashkohet thirrjes së 28 shteteve që dënojnë fushatën e Izraelit, e cila çon në uri dhe vdekje, dhe që bëjnë thirrje për t’i dhënë fund menjëherë tmerrit në Rripin e Gazës", thuhet më tej në qëndrimin e tyre.
Lexoni më shumë në arkivin tonë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: sedemosmi.tv
Inteligjenca artificiale do të luftojë korrupsionin në prokurimet publike në Shqipëri Shqipëria është bërë vendi i parë në botë që emëron si një ministër inteligjencën artificiale, shkruan faqja e internetit politico.eu. Anëtarja..
Pas përçarjes në DPS (Lëvizjen për të Drejta dhe Liri) Ahmed Dogan krijon një parti të re. Emri i projektit të ri politik të tij është "Aleanca për të Drejta dhe Liri". "Kemi një projekt të ri. Sot u mbajt mbledhja themeluese, e cila duhet të..
Aktivizimi i Nenit 4 të Traktatit të NATO-s nuk do të thotë përfshirje në luftë, u tha gazetarëve Ministri i Jashtëm Georg Georgiev në një forum në Bllagoevgrad (Bullgaria Jugperëndimore). "Konsultimet do të caktohen sipas Nenit 4 të Traktatit të..
Vranësira të ndryshueshme mundësi për reshje shiu
Vranësira të dendura
Pjesërisht me re
Diell, re, shi, bubullime