Muzeu Kombëtar i Historisë Natyrore në Akademinë Bullgare të Shkencave fton vizitorët në Natën e Shkencëtarëve. Më 26 shtator në orën 17:30 në hollin e Bulevardit “Car Osvoboditel”, Prof. Zllatozar Boev do të prezantojë ekspozitën më të re në Departamentin e Vertebrorëve të muzeut - një model 3D të shpendit Dodo(Raphus cucullatus).

Për shkencëtarët dhe ambientalistët, Dodo është një specie emblematike. Ai shënon fillimin e serisë së trishtueshme të specieve shtazore që janë zhdukur nga faqja e Tokës - viktima të pakujdesisë, lakmisë dhe injorancës njerëzore. Sot, më shumë se kurrë, kemi nevojë për një "të parë" të ndryshëm - imazhin e kundërt të dodos, për specien e parë të zhdukur të rikthyer në mjedisin e saj natyror. Shkenca moderne po i afrohet gjithnjë e më shumë realizimit të kësaj ideje deri vonë absurde dhe jep shpresë se së shpejti mund të shohim speciet e para "të ringjallura", vërejnë studiuesit e muzeut.

Pas zogut Dodo, do të ketë një prezantim mbi sekretet evolucionare të nënfamiljes Phylinae – pleshtat e shtratit që nuk do t’i shihni në shtratin tuaj. Muzeu ka planifikuar edhe aktivitete të tjera interesante për mbrëmjen.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BGNES