Instituti kanadez "Fraser" i ka dhënë Bullgarisë një vlerësim prej 7.13 pikësh (nga maksimumi 10) në renditjen “Liria ekonomike në botë, 2025”. Me këtë rezultat, vendi renditet në vendin e 56-të nga gjithsej 165 shtete, duke u pozicionuar mes Greqisë dhe Tajlandës. Në vitin 2024, Bullgaria ishte në vendin e 52-të. Vlerësimi i përgjithshëm është ndërtuar mbi 45 tregues të ndarë në 5 kategori.
Edhe këtë vit, Bullgaria merr rezultatin më të ulët në kategorinë e sistemit ligjor dhe të drejtës së pronës, duke u renditur nën të gjitha shtetet e tjera të BE-së dhe duke u krahasuar me vende si Shqipëria, Argjentina dhe Kazakistani.
Në të kundërt, stabiliteti monetar i garantuar nga bordi valutor, si dhe liria në tregtinë ndërkombëtare falë anëtarësimit në BE, i sigurojnë Bullgarisë vlerësimet më të larta në dy nga kategoritë e klasifikimit.
Për një tjetër vit radhazi, në krye të listës janë Hong Kongu dhe Singapori, ndërsa në fund qëndrojnë Venezuela dhe Zimbabve.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: Freepik, Pixabay
Mungesa e fuqisë punëtore të mjaftueshme dhe konsumi i fortë privat janë arsyet kryesore për inflacionin, sipas "Rishikimit Ekonomik" të dytë të Bankës Kombëtare Bullgare (BNB) për vitin. Inflacioni vjetor është 2.9%, duke u rritur me 2.1%..
Komisioni për Mbrojtjen e Konkurrencës filloi një hetim në tregun e produkteve ushqimore të nevojës së parë, me qëllim përcaktimin e arsyeve për rritjen e çmimeve. Për këtë qëllim, autoriteti antimonopol kërkoi nga rrjetet tregtare të dhëna të plota..
Ofertat për punë në të gjitha sektorët kanë rënë gjatë muajit korrik, tregojnë të dhënat nga një platformë kryesore për shpallje online në vend. Sipas analizës mujore, në korrik u regjistrua një rënie prej 12%, ose mbi 5000 vende pune më pak..
Reshje të shkurta
Vranësira të dendura me shi
Reshje