Mexosopranoja Snezhinka Avramova filloi të merret seriozisht me muzikë në Moshën 15 vjeç. Ja se çfarë na tregoi këngëtarja:
“I ati im luante në violinë, kështu lindi interesi im ndaj muzikës klasike. Në moshën 16 vjeç u regjistrova në Shkollën Muzikore të Sofjes për të mësuar për këngëtare. Më vonë kandidova në Shkollën e lartë muzikore “Hans Ajsler” në Berlin. Pasi e mbarova arsimin tim shkova për të punuar në Gjermani. Unë jam bullgarja e parë, e cila ka kënduar në operën e porsathemeluar “Zemperoper” në Drezden. Kam luajtur në shumë mjuzikëlle dhe opereta dhe kam mjaftë përvojë.”
Pothuaj një çerek shekulli Snezhinka Avramova këndon në Operën e Munihut “Am Gertner Plac”.
Më 30 mars të këtij viti bullgarja mori titullin “Kamerzengerin i Bavarisë”. “Ende nuk mund të besoj” – thotë me një emocion të madh këngëtarja”. Vjeshtën ajo do të ketë një paraqitje në teatër, ku publiku mund të shijojë interpretimet e saj në operën “Pitër Grajms” të Benxhamin Britënit.
Snezhinka Avramova u jep mësime me një kënaqësi të madhe këngëtarëve të rinj të operës. Megjithëse se shumë vite me radhë është larg atdheut, ajo jep kontributin e saj ndaj kulturës bullgare. Mexosopranoja është themeluese e festivalit “Festat e Mocartit”, i cili zhvillohet në qytetin e saj të lindjes Pravec. Ja se çfarë na tregoi këngëtarja për festivalin:
“Zonja Angellakova, e cila është drejtoreshë artistike e forumit, merret shkëlqyeshëm me detyrat e saj. Tani për tani nuk disponoj shumë kohë dhe nuk marr pjesë aktivisht në organizimin e tij. Ideja është që gjithnjë e më shumë interpretues të rinj bullgarë të njihen me muzikën gjeniale të Mocartit. Ajo kërkon një mjeshtëri të madhe.”
Përgatiti në shqip: Vesella Mançeva
Lyrra është pseudonimi artistik i këngëtares së re Ljubomira Pavllova. Para se të fillonte të performonte si artiste e pavarur, ajo fitoi famë nga pjesëmarrja e saj në formacionet e njohura folklorike, si "Misteri i zërave bullgarë", "Çinari",..
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti Rushi..