Ditën e premte në mbrëmje pas shumë debateve të lodhshme dhe të vazhdueshme, ku argumentet ishin në sferën e vlerave kryesore njerëzore si të drejtat, liritë dhe demokracitë, Parlamenti i rrethuar nga qindra protestues miratoi përfundimisht buxhetin e vitit tjetër të sigurisë shtetërore, si dhe reformën e pensionimit, reformë kjo që shkaktoi një tronditje të vërtetë në shoqëri. Fjala “përfundimisht” është relative, sepse kjo ndodhi pasi iniciatorët e reformave nga partia në pushtet e qendrës së djathtë GERB u detyruan të bien dakord që reforma e sapomiratuar të revizionohet përsëri dhe pasi morën përkrahjen e kundërshtarit të tyre të madh Lëvizja për të Drejtat dhe Liritë. Rezistenca ndaj ndryshimeve në modelin e pensionimit, ndryshime, të cilat ishin miratuar vetëm nga sindikatat dhe partnerët socialë, ishte shumë e fuqishme tërë javën e kaluar. Ministri i punëve sociale, organizatat e biznesit, partnerët politikë nga koalicioni në pushtet dhe vetë Presidenti i vendit Rosen Plevneliev vunë në dukje shprehimisht se për mendimin e tyre këto masa nuk janë menduar mirë dhe mund të kenë pasoja negative. Në fakt, kundërshtime më të ashpra shkaktoi ideja që punonjësit të zgjedhin vetë nëse t’i paguajnë sigurimet e tyre të detyrueshme për pensionin e dytë në gjigantin shtetëror – në Institutin Kombëtar të Sigurimeve, ose në një prej dhjetë fondeve të mëdha të pensionit. Adhuruesit e reformave u përpoqën të provojnë se e drejta e zgjedhjes së lirë është gjëja më demokratike dhe tregon respekt ndaj të drejtave të njeriut. Kundërshtarët u argumentuan me pohimin se kjo është një formë e fshehtë nacionalizimi të sigurimeve suplementare të pensionimit, sepse biznesi privat nuk është në gjendje të luftojë me sukses kundër gjigantit shtetëror. Në fakt bëhet fjalë për një shumë prej 4 mlrd eurosh, të derdhur nga 3.3 mln veta, të cilat sigurohen në fondet private dhe çështja është se ku do të shkojnë këto mjete. Tani për tani pushtetarët sikur e fituan betejën, por jo edhe luftën për këto mjete, sepse pritet shqyrtimi i pakos së tërësishme prej masash për ndryshimin e reformës së pensionimit në kuadrin e tre muajve në vijim, kurse ndryshimet e tanishme mund të hidhen poshtë nga Gjykata Kushtetuese. Kjo do të thotë se pritet reforma e reformave dhe se ende asgjë nuk është e qartë dhe përfundimtare.
Përgatiti në shqip: Vesella Mançeva
Anita Ekenova nga Lioni u shpall “Bullgarja e Vitit – Shën Zllata Mëglenska” për vitin 2024 në një ceremoni të veçantë të organizuar në Sofje nga Agjencia Ekzekutive për Bullgarët Jashtë Vendit. Para 10 vitesh, Anita së bashku me grupin folklorik që..
Në emër të Kreut të Shtetit Rumen Radev, Zëvendëspresidentja Ilijana Jotova i dorëzoi Profesor Ma Sipu Urdhrin e Shën Kirilit dhe Metodit, shkallë të parë, njoftoi zyra e shtypit e Kreut të Shtetit. Çmimi u dha në një ceremoni zyrtare në..
Një tjetër fatkeqësi, një tjetër analizë dhe masa të ndërmarra nga institucionet përgjegjëse. Përmbytja shkatërruese që goditi vendbanimin turistik “Elenite” një javë më parë dhe mori me vete katër jetë njerëzish, çoi në një “zgjim” nga ana e shtetit –..
Nga 1 janari 2026, tarifa për lëshimin e një karte identiteti me një periudhë vlefshmërie prej 10 vitesh për një person të moshës 18 deri në 70..
Fertility Europe, rrjeti panevropian i shoqatave të pacientëve me probleme riprodhuese, shpalli fillimin e Javës së nëntë Evropiane të Fertilitetit 2025..
"Gëzimi që shihni në sytë e njerëzve që keni ndihmuar nuk mund të përshkruhet me fjalë, duhet të përjetohet!" Kjo u nda nga Veneta Terzieva dhe Valentin..
Vranësira
Reshje
Vranësira të dendura me shi
Reshje intensive