Pa debate parlamenti miratoi ndryshimet në Ligjin e Lojërave të Fatit  propozim për të cilat bëri lideri i Frontit Kombëtar për Shpëtimin e Bullgarisë Valeri Simeonov. Me këto amendamente hiqen lotaritë private. Licencat e operatorëve privat të bixhozit do të revokohen pas botimit të ligjit në Gazetën e Shtetit, në se presidenti nuk do të vendosë veto. Kështu shteti nëpërmjet “Lotarisë Sportive Bullgare” do të marrë monopol në organizimin e lojërave të fatit. Ndryshimet në ligj prekin kompanitë private “Lotaria Kombëtare” dhe “Lotaria Bullgaria” në të cilat pjesën mazhoritare e mban biznesmeni Vasill Bozhkov. Javën e kaluar Prokuroria e paditi për udhëheqjen e grupit të organizuar kriminal, krime tatimore, shantazh, shtrëngim, pastrimin e parave dhe ryshfete.