Epidemia e koronavirusit i cili u zbulua në Kinë, por u përhapë edhe në Evropë, shqetëson shtetasit dhe biznesin në Bullgari. Megjithëqë tani për tani nuk ka raste të vërtetuara për bullgarë të ngjitur me virusin tek ne, njerëzit ndërmarrin hapa parandaluese që të mos sëmuren. Dëshmi për këtë janë sasitë pothuajse të sosura të maskave mjekësore në rrjetin e farmacive.
Kryetari i Asociacionit të Pronarëve të Farmacive në vendin tonë Nikollaj Kostov komentoi për Radion Kombëtare Bullgare, se shkaku për pamjaftueshmërinë është se prodhuesi kryesor i maskave është Kina, e cila tani prodhon sasi maskash vetëm për nevoja të veta sepse eksporti për shtetet e tjera është i ndaluar. Në një intervistë për Radion Kombëtare Bullgare epidemiologia, doktoresha Bozhidara Kajrakova, shefe e Drejtorisë “Mbikëqyrje e sëmundjeve ngjitëse” pranë Inspektoratit Shëndetësor të Rajonit Sofja, këshilloi qytetarët të cilët duhet të udhëtojnë në ndonjë rajon të prekur nga sëmundja, të ruajnë higjienë të vet të lartë, dhe se “portat hyrëse të virusit janë sytë, hunda, goja, gjë për të cilën higjiena e mirë e duarve është me rëndësi të madhe”. Një këshillë tjetër e rëndësishme është të kufizohen kontaktet me njerëzit e sëmurë.
Një anketë me qytetarë tregoi, se të rinjtë e pranojnë informacionin për përhapjen e sëmundjes si psikoza e radhës në masë. Mirëpo, ka të tillë të cilët janë të mendimit, se:
“E nënvlerësojmë rrezikun, sepse shëndeti është ai, për të cilin duhet të mendojmë në radhë të parë – tha një grua e re dhe vazhdoi. – Mirëpo, nga ana tjetër mbaj mend se para vitesh në SHBA kishte një psikozë në masë lidhur me antraksin. Edhe atëherë njerëzit kishin frikë të udhëtojnë për në SHBA-në. Dhe pyetja më e madhe është se si u përhap kjo sëmundje. Personalisht unë përkrah teoritë konspirative, se asgjë prej kësaj që ndodhi nuk ishte e rastit. Nuk është normale që aq shumë viktima të ketë si rezultat i kësaj sëmundjeje virusologjike dhe asnjeri të mos jetë në gjendje të ndalojë.”
Një problem tjetër ka të bëjë me informimin e shtetasve për simptomat e para të sëmundjes. Mirëpo, ai nuk është i mjaftueshëm dhe pikërisht kjo fsheh rreziqe.
“Më tepër nuk jam mjaftë e informuar – thotë një bullgare në moshë të thyer. – Supozoij se simptomat iu përngjajnë simptomave të llojeve të ndryshme të gripit të sëmundjeve virusologjike. Përpiqem të mbaj higjienë të lartë personale, sepse më duket se ky është çelësi për mbrojtje nga sëmundjet ngjitëse.”
Në se njeriu ka dyshim për koronavirusin, duhet të dijë se kushti i domosdoshëm për testim është të ketë simptoma, ndryshe analizat laboratorike do të jenë negative. Simptomat më të shpeshta janë temperatura e lartë dhe ato që janë karakteristike për pneumoninë. Për të evituar rrezikun nga diagnoza e gabuar është mirë që në rast dyshimi edhe më i vogël për sëmundjen, të frekuentojmë mjekun personal. Mirëpo, shpesh injorojmë këtë këshillë. Sipas statistikës më se 50 për qind prej bullgarëve nuk e kanë frekuentuar mjekun personal për një vit kalendarik. Dëshmi për këtë është edhe përgjigja e bullgares tjetër të anketuar.
“Jam me sëmundje kronike dhe prandaj shpesh shkoj te mjeku im personal. Mirëpo, kur bëhet fjalë për viruse dhe për ftohje nuk e frekuentoj. Merrem masa preventive me receta të vjetra të vërtetuara nga stërgjyshërit. Kështu përpiqem të mbaj shëndetin që të jem në gjendje të punoj.”
Një fije shprese në luftimin e koronovirusit dha diskutimi i ambasadorit kinez në Rusi Zhang Hanhuey, sipas të cilit në fund të muajit shkurt ose mars, do të rimëkëmbet ritmi normal i jetës si në vatrën e sëmundjes, provincën Wuhan (qendra administrative e provincës Hubei), ashtu edhe në provincat e tjera. Shkaku është, se në Kinë tashmë u zbulua vaksinë kundër virusit, por është e domosdoshme kohë për të kaluar teste dhe analiza suplementare.
Përgatiti në shqip: Svetllana Dimitrova
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..