Transportuesit dolën që të protestojnë në kufirin bullgaro turk në PKK “Kapitan Andreevo” sot nga ora 11.00. Shkaku për pakënaqësinë e tyre është përpunimi i ngadaltë i dokumenteve të kamionëve dhe mallrave në kufirin mes dy vendeve, gjë që u bë shkas për formimin e radhëve të gjata të kamionëve dhe maunave dhe ata duhet të presin mbi 2-3 ditë, vuri në dukje Bashkimi i Transportuesve Ndërkombëtar në Bullgari dhe Asociacioni i Transportuesve i Turqisë.

Organizatat profesionale ngulin këmbë për masa urgjente, të cilat të përshpejtojnë kalimin e kamionëve përmes kufirit.

Nga dogana sqaruan se po zhvillohet procedurë për ndërtimin e një traseje suplementare, e cila t’i shërbejë transportuesit ndërkombëtarë. Po zhvillohen bisedime me palën turke për një grafik të unifikuar të nëpunësve bullgarë dhe të atyre turq, me të cilin të kursehen orët e pritjes gjatë ndërrimit të ekipeve.