Vetëm tre apo katër vjet më parë Bullgaria, së bashku me Rusinë, Bjellorusinë dhe Ukrainën, kryesoi statistikat e zymta botërore me shpopullimin e shpejtë të zonave të saj rurale. Në atë kohë, parashikimi i Fondit të Popullsisë pranë OKB-së ishte që deri në vitin 2050 popullsia në fshatrat bullgare të ulej nga 1.8 milion në 800.000, dhe pjesa e banorëve të zonave rurale në popullsinë e përgjithshme të binte nga 26% në 14%. Për fat të mirë, kjo tendencë e frikshme u ndërpre papritur nga pandemia, e cila bëri që shumë njerëz të kërkojnë vetminë në fshatrat e vogla.
Statistikat zyrtare tregojnë se vetëm vitin e kaluar gati 90 000 njerëz u kthyen për të jetuar në fshat. Ndër arsyet që i bëjnë gjithnjë e më shumë bullgarët të zgjedhin jetën rurale janë ajri i pastër, mjedisi i qetë, ushqimi natyral dhe i shëndetshëm, mungesa e kufizimeve dhe sigurisë. Në aspektin financiar, veçanërisht tani, kur çmimet e energjisë elektrike janë rritur ndjeshëm me rritjen e çmimeve të energjisë elektrike, mënyra e thjeshtë e jetesës rurale duket gjithnjë e më tërheqëse. Në fshat një pjesë e madhe e shpenzimeve pakësohen - nuk nevojiten mjete për transportin publik, për veshje dhe restorante të shtrenjta, etj. Mbajtja e formës fizike është plotësisht falas, sepse ushtrimet janë pjesë e jetës rurale.
Sipas Asociacionit të Fshatrave Bullgarë, rrjedha nga qyteti në fshat do të vazhdojë në 5 vitet e ardhshme dhe çdo vit në zonat rurale do të vendosen përsëri rreth 50 - 60 mijë njerëz. "Këta janë njerëz të moshës aktive të punës," tha në eterin e televizionit Bulgaria ON AIR Borisllav Borisov, kryetar i Asociacionit të Fshatrave Bullgarë:
"Njerëzit po kërkojnë një ristart të jetës së tyre - shpjegoi ai dhe shtoi: - Në mbi 90% të fshatrave bullgarë ka internet me shpejtësi të lartë, gjë që siguron mundësi për punë në distancë. Shumica e atyre që lëvizin në fshat janë në moshë pune dhe me arsim të lartë ".
Në të njëjtën kohë kjo "zhvendosje" ndikon në përmirësimin e infrastrukturës, përpunimin e projekteve dhe zhvillimin e turizmit në zonat rurale. Po krijohen komunitete të reja, të cilat organizojnë nisma të ndryshme, organizojnë ngjarje kulturore dhe sportive.
Shpërngulja nga qytetet e mëdha ndikoi ndjeshëm në tregun e pasurive të paluajtshme. Kërkesa u rrit dhe çmimet u rritën. Nëse 2-3 vjet më parë shtëpitë rurale shiteshin mesatarisht midis 10 dhe 15 mijë euro, tani ato shiten për 35 mijë, që është çmimi i një apartamenti në disa nga qytetet më të vogla bullgare.
Përgatiti në shqip: Vesella Mançeva
Foto: PixabayProcesione dhe festime me rastin e 24 majit - Ditës së Vëllezërve të Shenjtë Kirill dhe Metodij, të alfabetit bullgar, arsimit dhe kulturës, si dhe të letërsisë sllave, po zhvillohen sot në të gjithë Bullgarinë. Në Sofje , procesioni fillon..
Prej dy dekadash, mediat bullgare jashtë vendit mblidhen në një takim vjetor të organizuar nga Agjencia Telegrafike Bullgare (BTA). Ngjarja njihet si Takimi Botëror i Mediave Bullgare dhe këtë vit edicioni i saj i 20-të hapet më 24 maj në Klubin..
Në fillim të viteve '60 të shekullit të kaluar u pranua se gjendja e rezervave ujore në vendin tonë ishte e pamjaftueshme për nevojat e bujqësisë, prandaj filloi ndërtimi i gjerë i digave në mbarë vendin. Kështu, në periudhën 1950 – 1985 u ndërtuan 216..
Kryetarja e Asamblesë Kombëtare u takua me përfaqësues të komunitetit bullgar në Shqipëri. Në krye të një delegacioni parlamentar bullgar, Natalija..
Kushtet e paqëndrueshme dhe të paparashikueshme të motit këtë pranverë, me luhatje të mëdha të temperaturave, i detyruan banorët e kryeqytetit që, përveç..
Dega e Universitetit të qytetit bullgar Ruse në qytetin Taraklia të Moldavisë do të jetë në gjendje të pranojë deri në 150 të rinj me origjinë bullgare..