Lëvizja për të Drejtat dhe Liritë (DPS) do t’i referohet Prokurorit të Përgjithshëm për sinjalet e marra prej tyre për shkeljet në marrjen e shtetësisë bullgare me investime.

“Ne do t’i kërkojmë prokurorisë një hetim të plotë rast pas rasti, sepse ajo që shohim nga dokumentet është e tmerrshme - aty ka shumë kinezë, rusë dhe njerëz të ndryshëm. Ne duam të zbulojmë se kush ka lobuar për secilin prej tyre, çfarë shkeljesh dhe çfarë mashtrimesh janë bërë me këto pasaporta”, tha Hamid Hamid, nënkryetar i grupit parlamentar të DPS.

Nga viti 2013 e këtej, 103 persona morën shtetësinë bullgare me “pasaporta të arta” pas investimeve. Ato janë gjithashtu ndër arsyet pse Shtetet e Bashkuara nuk heqin vizat për bullgarët, tha Hamid.