Me një logo të re dhe një program të pasur kulturor dhe muzikor, qyteti Dimitrovgrad shënon festën e vet. Ngjarja e parë emocionale është akoma gjatë ditës së shtunë, kur në kuadrin e “sallonit të makinave socialiste” do të tregohen modele emblematike të makinave tradicionale për periudhën e socializmit, por tanimë një gjë e rrallë për ditët e sotme si -“Lada”, “Volga”, “Moskviç”, “Trabant” e tjera. Në mbrëmjen e ditës së diel, adhuruesit e kinemasë  do të rikujtojnë tituj emblematik nga kinemaja bullgare gjatë kohës së koncertit “Muzika në kinema”, në të cilin do të tingëllojnë melodi të dashura nga hitet e filmave bullgarë dhe botërorë. Në planetariumin “Xhordano Bruno” do të projektohen fimat “Nga Toka deri tek Universi”, “Dielli”, “Përmes botëve të largëta”, “Kërkimi Kozmik”.

Fillimin e programit të koncerteve  do ta verë spektakli i Nina Nikolinës JAZZ & TRADITIONS VOL.2, i cili do të zhvillohet më 31 gusht. Nata tjetër i kushtohet pasurisë dhe bukurisë së valleve popullore bullgare me interpretimet e ansamblit folklorik profesional të Burgasit “Stranxha”. Në lidhje me festën më 2 shtator në qytet do të jetë për vizitë dhe një nga këngëtarët më të dashur bullgar Ljubo Kirov.

Përpiloi: Joan Kolev

Përgatiti në shqip: Nataniela Vasileva