Ministria e Drejtësisë përgatiti të gjitha projektligjet e nevojshme për zbatimin e reformave në kuadër të Planit të Rimëkëmbjes. Më 20 tetor skadon afati për diskutim publik të Ligjit kundër Korrupsionit, bëhen vërejtje, pas së cilës vjen debati në parlament. Në fund të javës pritet qëndrimi i Komisionit të Venecias për projektligjin e përgatitur nga ish-ministrja e drejtësisë Nadezhda Jordanova për kërkimin e përgjegjësisë penale nga kryeprokurori. Këtë e tha për BNR ministri i drejtësisë Krum Zarkov. Ai vuri në dukje se qeveria e përkohshme ishte angazhuar për krijimin e një agjencie të pavarur për korrupsionin e nivelit të lartë, e cila të ketë funksione hetimore. Sipas tij, që komisioni i ri të jetë efektiv, duhet të merret vetëm me korrupsionin në nivelet më të larta të pushtetit dhe ndjekjen e tij penale, pasi kritika kryesore e KE-së ndaj Bullgarisë është se nuk ka të dënuar për këtë lloj krimi. Zarkov tha gjithashtu se me përbërjen aktuale të Këshillit të Lartë Gjyqësor nuk duket reale të kërkohet përgjegjësi nga kryeprokurori Ivan Geshev.