Në Siri, të mbijetuarit e tërmetit shkatërrues jetojnë me frikë, duke fjetur jashtë në temperatura nën zero pa ujë të pijshëm të sigurt. Në një intervistë për BNT, Dr. Mohamed Alibrahim - mjek nga Qendra e Ndihmës Mjekësore Emergjente në Sofje tregoi nga Aleppo se si po përhapet kolera së bashku me urinë, frikën dhe pasigurinë që e kanë copëtuar vendin tash e 12 vjet. Sipas tij, populli sirian është mobilizuar në këto kushte të rënda për të siguruar ushqime dhe batanije për të dëmtuarit, por ka mungesë të mjekëve, infermiereve dhe ndihmësmjekëve. Më 16 shkurt, një aeroplan transportues ushtarak bullgar “Spartan”, i ngarkuar me afro 4.5 ton ndihma humanitare në bord, u ul në aeroportin e Bejrutit të Libanit, nga ku u zhvendos me transport tokësor në Siri. Nga Libani, avioni u nis për në Turqi dhe mori ekipet mjekësore të Akademisë Ushtarake të Mjekësisë, të cilat për dhjetë ditë u dhanë ndihmë të lënduarve në fqinjin tonë juglindor, i cili gjithashtu u godit nga tërmetet. Pas 11 ditësh punë të palodhshme mes mbeturinave, zjarrfikësit bullgarë që morën pjesë në një mision shpëtimi në Turqi u kthyen në Bullgari. Aty janë të përfshirë rreth 80 shpëtimtarë bullgarë nga Drejtoria Kryesore “Siguria nga zjarri dhe mbrojtja e popullsisë”.
Ndërkohë, një tërmet i ri me magnitudë 5.1 ballë të shkallës Rihter tronditi mbrëmë provincën turke Hataj, në pjesën juglindore të vendit, njoftoi Aljazeera. Burimi ndodhej në det në një thellësi prej nëntë kilometrash, pesë kilometra nga bregu. Sipas informacioneve të Agjencisë së Menaxhimit të Emergjencave të qeverisë turke (AFAD), më 6 shkurt, Turqia u trondit nga disa tërmete shkatërruese, të ndjekura nga 1891 pasgoditje. Sipas shefit të zyrës evropiane të Organizatës Botërore të Shëndetësisë, Hans Kluge, tërmetet në Turqi dhe Siri janë disa nga fatkeqësitë natyrore më të rënda që kanë goditur rajonin në një shekull. Sipas të dhënave të fundit, viktimat janë mbi 42 mijë persona. Ekipet e shpëtimit vazhdojnë të gjejnë të mbijetuar në rrënoja, ku të fundit janë dy burra në provincën Hataj, të cilët kaluan 261 orë nën rrënoja.
Partia Socialiste Bullgare (BSP) këmbëngul që pajisjet e centralit atomik “Belene” të mos i shiten Ukrainës. Grupi partiak i së majtës paraqiti një projektvendim në Asamblenë Kombëtare, në të cilin insistohet që negociatat mes Bullgarisë dhe Ukrainës..
Bullgaria është ndër vendet në Evropë ku mushkonjat tigër që mbartin viruse si dengo dhe zika, janë vendosur përhershëm. Kjo është raportuar nga Qendra Evropiane për Parandalimin dhe Kontrollin e Sëmundjeve. Qendra paralajmëroi se ka një rritje të..
Sezoni aktiv i verës në vendpushimin malor të Pamporovos vuri në lëvizje dy teleferikët kryesorë që çojnë në majën Snezhanka. Nga sot është hapur edhe qendra turistike në hyrje të vendpushimit. Janë përgatitur gjithashtu parqet argëtuese, si dhe..
Presidenti Rumen Radev ia dorëzoi mandatin e parë eksplorues për formimin e qeverisë Rosen Zheljazkovit. Ai është kandidati për kryeministër i propozuar..
Kombëtarja e Bullgarisë në matematikë pati një paraqitje të shkëlqyer në Olimpiadën Ballkanike për 15-vjeçarë. 6 nxënës bullgarë u kthyen me 6 medalje nga..
Pak para dorëzimit të mandatit, PP-DB konfirmoi sërish se refuzon mbështetjen. Në Facebook, bashkëkryetari i PP-DB Kirill Petkov vuri në dukje se..