Është sërish 1 Prilli - Dita Ndërkombëtare e Shakave, dhe me këtë rast Muzeu i Humorit dhe i Satirës në qytetin Gabrovo të Bullgarisë Qendrore hap dyert për të festuar ditëlindjen së bashku me qindra miq dhe adhurues të argëtimit dhe të qeshurit. Gabrovo jo rastësisht quhet “kryeqyteti bullgar i humorit”, ku çdo vit në maj zhvillohet Festivali Ndërkombëtar i Humorit dhe i Satirës, ​​i cili e ka origjinën në argëtimin e lashtë të quajtur “Olelijnja” dhe ballot me maska nga fillimi i shekullit të XX-të.

Miq special të ftuar janë tre karikaturistët tanë të shquar Ivajllo Cvetkov, Irina Kitanova dhe Valentin Georgiev. Karikaturistët do të kënaqin të ftuarit e Muzeut të Humorit me vizatimet e tyre.

Ndër mjeshtrit më të njohur të karikaturës është padyshim Ivajllo Cvetkov, fitues i mbi 130 çmimeve ndërkombëtare dhe bullgare për krijimtarinë satirike. Në vitin 2022 ai u nderua me çmimin “Ezopi i Artë” për “Karikaturë” në Bienalen e 25-të të Gabrovos. Karikaturat e tij shpesh mund të shihen në faqet e botimeve të njohura, si një reagim i rrufeshëm ndaj ngjarjeve politike në vendin tonë dhe në mbarë botën.

• Karikatura fokusohet në kritikën e shoqërisë ndaj dështimit të politikanëve

Përpilues: Gergana Mançeva

Përgatiti në shqip: Svetllana Dimitrova