Nga 14 deri më 16 shtator nënpresidejtja e Bullgarisë Ilijana Jotova është duke bërë një vizitë në Shqipëri. Vizita e nënpresidentes është në prag të regjistrimit kombëtar të popullsisë në Shqipëri - një moment i rëndësishëm për pakicën kombëtare bullgare. Zonja Jotova ishte burrë shteti i pari bullgar që vizitoi komunitetin bullgar në Shqipëri menjëherë pas njohjes së tij zyrtare në vitin 2017.

• Bullgarët në Shqipëri – një fragment i historisë dhe i kulturës së lashtë bullgare

Në kuadër të vizitës në Tiranë do të prezantohet edhe libri i prof.Spas Tashev “Bullgarët në Shqipëri”. Ilijana Jotova u prit në fshatin Ostreni i Madh nga kryetarja e komunës së Bulqizës Festime Mjesthri, përfaqësues të pushtetit lokal, të ambasadës bullgare dhe nga banorët e fshatit – mes tyre muzikantë dhe vajza të veshura me kostume tradicionale. Këtu Ilijana Jotova do të takohet me përfaqësues të pakicës kombëtare bullgare nga Golloborda. Nënpresidentja do të hapë vitin e ri shkollor në Shkollën Bullgare të së Dielës në qytetin e Elbasanit.

• Për bullgarët në Shqipëri – nga pikëpamja e historisë dhe jo vetëm
• Asimilimi – sfida para bashkësive bullgare në Ballkanin Perëndimor
  
• Mësimi i gjuhës bullgare – prioritet për bullgarët në Shqipëri

Në Tiranë janë të planifikuara takime me presidentin Bajram Begaj, me zëvendës kryeministren dhe ministre të infrastrukturës dhe energjisë Belinda Balluku, me kryetaren e Kuvendit Lindita Nikolla, me ministrin e punëve të brendshme Taulant Balla. Pritet që nënpresidentja bullgare të bisedojë me rektorin e Universitetit të Tiranës, Prof. Artan Hoxha. Në universitet studiohet gjuha bullgare.