Në vitin 2024, Shtëpia e Kulturës e Institutit Kulturor Komunal "Sredec" në Sofje feston 50 vjet nga themelimi i saj - rast që stafi i Shtëpisë po e shënon me një sërë ngjarjesh. Ndër to është edhe koncerti i Korit të Dhomës të Sofjes “Vasill Arnaudov” më 25 prill.
Kori u krijua në vitin 1966, me emrin e themeluesit dhe dirigjent shumëvjeçar Prof. Vasill Arnaudov. Për rolin e tij në jetën kulturore në vendin tonë, kori ka marrë një sërë çmimesh kombëtare. Ai është laureat i dy çmimeve Gran Pri, gjashtë çmimeve speciale dhe tetëmbëdhjetë çmimeve të para nga konkurse ndërkombëtare. Ai u prezantua në forume prestigjioze muzikore në afro 30 vende evropiane, në Japoni dhe Turqi. Ai ka pllaka gramafoni, të incizuara për kompani televizive dhe radioje evropiane dhe japoneze, si dhe tetë kompakt disqe solo. Në dekadat e fundit, dirigjente e korit është Teodora Pavlloviç - profesoreshë e dirigjimit koral, drejtuese e departamentit "Dirigjim dhe kompozim" në Akademinë Kombëtare të Muzikës "Prof. Panço Vlladigerov".
"Në lidhje me 50-vjetorin e Shtëpisë së Kulturës “Sredec”, Kori i Dhomës së Sofjes "Vasill Arnaudov" përgatiti një koncert festiv të quajtur "Për shumë vjet" - thotë prof. Pavlloviç. – Kjo është urimi ynë muzikor për përvjetorin e Shtëpisë, të cilën e duam shumë. Programi përfshin vepra nga Handell, Mozart, si dhe vepra të kompozitorëve të shquar bullgarë, ndër të cilët janë emrat e Petko Stainov, Todor Popov, Filip Kutev, Aleksandër Tanev.Jam е sigurt se do të ketë shumë frymë festive. “Sredec” është vërtet shtëpia jonë krijuese. Duhet të them se kjo shtëpi e kulturës është jashtëzakonisht e rëndësishme si për njerëzit që drejtoj, ashtu edhe për mua personalisht. Në “Sredec” fillova të punoj në vitin 1984 si dirigjente e Korit të Vajzave të Sofjes, i cili fatkeqësisht nuk ekziston më. Paralelisht punova me Korin e Dhomës së Sofjes, i cili u bë pjesë e institutit të kulturës në vitin 1993. Gjatë asaj kohe në radhët e tij kaluan disa breza këngëtarësh. Pas pandemisë erdhën këngëtarë të rinj dhe jo vetëm nga Bullgaria. Kemi një këngëtare nga Ukraina, disa vajza nga Kina, nxënëse të mi nga Akademinë Kombëtare të Muzikës. Ne vazhdojmë të punojmë dhe të ecim përpara.”
Përgatiti në shqip dhe publikoi: Svetllana Dimitrova
Foto: YouTube /Simona Stanoeva, Grozdan Hristozov
Një ansambël prej dy ose më shumë harpash nuk është diçka e re në skenën bullgare. Por për herë të parë do të kemi mundësinë të dëgjojmë një oktet të tërë, që sigurisht është një ngjarje për vendin tonë . Ideja, përzgjedhja e programit dhe..
Dy këngëtarë - Bojana Karpatova dhe Boris Hristov - bashkohen për një këngë dueti të titulluar "Ndërsa je këtu". Bojana vetë shkroi muzikën dhe tekstin, aranzhimi është nga Artur Nadosjan. Ja çfarë thonë artistët për mesazhin e këngës: "Koha..
Tenori bullgar me famë botërore Bojko Cvetanov do të festojë 70-vjetorin e lindjes me një koncert më 18 tetor në Klubin Qendror Ushtarak në Sofje. Partneri i tij në këtë ditë të veçantë për interpretuesit dhe publikun do të jetë orkestra e mandolinave..
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej..
Kur dy emra yjesh bashkohen në një duet, suksesi është i sigurt. Kështu ndodhi me këngën nga Miro dhe ALMA “Më shumë”, dhe me siguri i njëjti fat do të..
Pjesërisht me re
Mot i kthjellët