Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Republika Çeke dërgon 2 helikopterë në ndihmë të Bullgarisë për shkak të zjarreve

4
Foto: BTA

Kryeministri në detyrë Dimitër Gllavçev formoi një shtab operativ për shkak të zjarreve në vend. Sot ai ka vizituar rajonin e Stara Zagorës, i cili është një nga më të prekurit, njofton shërbimi për shtyp i qeverisë. 5 ekipe të zjarrfikësve të Plovdivit kanë shuar zjarrin në afërsi të fshatit Otec Paisievo të komunës së Kallojanovos. Zjarri është përhapur në një zonë vile dhe janë djegur 10 vila. Aktualisht zjarri po zvarritet në veri drejt fshatit Prollom dhe qytetit Banja.


Një zjarr i madh ka rënë edhe në rrethin e Karllovos. Të mbjellat e drithërave, plantacionet e trëndafilave, kullotat po digjen. Në disa zona, erërat e forta dhe temperaturat e larta e bënë të vështirë kontrollin e flakëve. Në disa vende, për shkak të tymit u mbyllën rrugët. Ndërkohë, prokuroria në Plovdiv ka nisur hetimet për shkaqet e zjarreve shkatërruese në komunat Hisarja, Karllovo dhe Kallojanovo, ku u dogjën më shumë se 20 mijë hektarë pyje, sipërfaqe bujqësore, pyjore dhe zona të tjera.


Helikopteri Mi-17 i Forcave Ushtarake Ajrore mori pjesë në shuarjen e zjarrit në zonën e qytetit të Strellçës, rajoni i Pazarxhikut, njoftoi Ministria e Mbrojtjes. Bullgaria tashmë ka aktivizuar Mekanizmin e Mbrojtjes Civile të BE-së. Tani për tani kemi konfirmim nga Republika Çeke se do të dërgojnë dy helikopterë. Pritet edhe konfirmimi i ndihmës nga Rumania, tha ministri i Punëve të Brendshme Kalin Stojanov, i cili vizitoi zonat e zjarreve.

Foto: BTA, BGNES



Последвайте ни и в Google News Showcase, за да научите най-важното от деня!

Galeria

Më shumë nga rubrika

Do të bjerë shi mbi Bullgarinë Perëndimore, do të jetë me diell në bregdetin e Detit të Zi

Të martën , temperaturat minimale do të jenë nga 15 deri në 21°, në Sofje - 15°. Gjatë ditës do të jetë me diell. Mbi Bullgarinë Perëndimore dhe Qendrore, moti do të jetë me vranësira dhe në shumë vende do të ketë reshje afatshkurtra, kryesisht në..

botuar më 25-08-04 7.40.MD
Shkaba egjiptiane

Një shkabë egjiptiane është helmuar pranë Krumovgradit

Një shkabë egjiptiane e ngordhur është gjetur pranë fshatit Hrastovo, në afërsi të qytetit Krumovgrad, njoftoi zyra e shtypit e Drejtorisë Rajonale të MPB në Kërxhali. Nga shpendi, i cili është një specie e mbrojtur, janë marrë mostra për analizë...

botuar më 25-08-04 6.48.MD
Foto: Marti Dimov/Facebook

Do të duhet gjysmë shekulli për të rikthyer pyjet e djegura në Pirin

Më shumë se 45 000 hektarë pyje në malin Pirin janë shkatërruar nga zjarret që nga 25 korriku. Ende ka shpërthime lokale në terren, tha për BTA drejtori i Pylltarisë Shtetërore në Strumjani, Ivan Rizov. Deri më tani, të dhënat mbi..

botuar më 25-08-04 1.30.MD