Dhuna dhe bullizmi në shkollë është një problem aktual jo vetëm në Bullgari, por edhe në shumë vende evropiane dhe të tjera. Tetë vjeçari Johan Tansoe, i cili ka lindur në Norvegji, por për rreth një vit studion në një shkollë bullgare në Burgas, u bë pjesëmarrës padashur në një konflikt mes shokëve të klasës. Ai kthehet në shtëpi dhe pyet nënën e tij, Krasimira Nikollova, nëse ka ndonjë këngë në Bullgari për të kënduar për miqësinë dhe që fëmijët të jenë më të mirë, siç është praktikë në shkollën e tij norvegjeze. Fëmijët e sapoardhur nga kultura të ndryshme priten atje me një këngë të ngjashme për të lehtësuar asimilimin e tyre me vendin, zakonet dhe njerëzit e ri.
Nëna e tij nuk e di për një këngë të tillë dhe e inkurajon djalin të shkruajë vetë tekstin e saj. Ajo njihet me këngëtarët Virxhinija Sëbeva dhe Orlin Pavllov dhe ajo u propozon të marrin pjesë në krijimin e këngës.
“Ai gjithashtu ka një fëmijë dhe e di që merr pjesë dhe mbështet aktivisht kauza bamirësie. Shumë njerëz të tjerë e pranuan këtë ide, dhe shfaqën dëshirë për të marrë pjesë në këtë projekt si një aktivitet bamirësie”, tha nëna e Johanit në një intervistë për Radio Bullgarinë. Kënga quhet “Hajde: Më të mirë” dhe i bën thirrje shoqërisë:
“Hajde” vjen nga fakti se është një lloj ftese për të nxitur krijimin e një mjedisi më dashamirës mes fëmijëve, ku ata tregojnë respekt dhe mirëkuptim për njëri-tjetrin. Fokusi i fushatës është tek empatia, toleranca dhe mirëkuptimi dhe këto tre fjalë kyçe qëndrojnë si elementë të të gjithë fushatës “Hajde”.
Fushata filloi në ditën e parë të shkollës dhe do të zgjasë për 10 vjet, me idenë që çdo vit të krijohet një këngë e re me një mesazh që fëmijët të jenë më të sjellshëm dhe tolerantë me njëri-tjetrin.
Në këngën e përkthyer në gjuhën e shenjave, përveç Virxhinija dhe Orlin Pavllov, marrin pjesë edhe këngëtarja Mihaella Fileva, aktorët Nenço Ballabanov dhe Aleksandër Georgiev. “Qëndro pranë meje dhe bëhu i mirë” është mesazhi që dërgojnë të gjithë së bashku, jo vetëm për fëmijët.
Përgatiti në shqip dhe publikoi: Vesella Mançeva
Sofja po pret finalen e ER Champ 2025 – gara më e madhe ndërkombëtare e dhomave escape në botë. Eventi, më 19 dhe 20 tetor, do të përfshijë dymbëdhjetë ekipe nga e gjithë bota, të cilat arritën të zënë një vend të denjë midis më të mirave pas një..
Anita Ekenova nga Lioni u shpall “Bullgarja e Vitit – Shën Zllata Mëglenska” për vitin 2024 në një ceremoni të veçantë të organizuar në Sofje nga Agjencia Ekzekutive për Bullgarët Jashtë Vendit. Para 10 vitesh, Anita së bashku me grupin folklorik që..
Në emër të Kreut të Shtetit Rumen Radev, Zëvendëspresidentja Ilijana Jotova i dorëzoi Profesor Ma Sipu Urdhrin e Shën Kirilit dhe Metodit, shkallë të parë, njoftoi zyra e shtypit e Kreut të Shtetit. Çmimi u dha në një ceremoni zyrtare në..
Kur kontributi në fushën e shkencës kthehet në bazë për studime të mëtejshme të thelluara, kufijtë midis shteteve dhe kontinenteve sikur shkrihen – në..
Vërehet një tendencë e qëndrueshme për kthimin e bullgarëve nga jashtë, u bë e ditur gjatë forumit “Evropa është me mua”, organizuar nga Autoriteti..
Si të ruhet dhe mirëmbahet besimi i publikut në media - kjo është tema qendrore për pjesëmarrësit në Konferencën Vjetore të Shoqatës Ndërkombëtare të..