Edicioni vjeshtor i SoFest do të tërheqë fansa të arteve të ndryshme në Sofje me ngjarje interesante dhe pjesëmarrës nga vende të ndryshme. Nga data 14 deri më 17 nëntor në Sofia Live Club i presin dy shfaqje teatrale dhe koncerte të ndryshme.
Dhe këtë herë SoFest Autumn tërheq dashamirët e xhazit me pjesëmarrjen e dy formacioneve ndërkombëtare – të kuintetit nga Holanda "The Fours" dhe të "Thanos Stavridis Quartet" nga Greqia.
Në dy mbrëmjet e fundit – 16 dhe 17 nëntor – do të mbahen dy koncerte shumë të veçanta. Më 16 nëntor, këngëtarja me një zë unik - Roberta - do të prezantojë interpretimin e saj të këngëve më të njohura të Janis Joplin. Mbyllja e SoFest 2024 është rezervuar për “Fondacijata” (“Fondacioni” ) me një koncert në kujtim të këngëtarit të paharrueshëm Kirill Mariçkov.
Më 17 nëntor, muzikantët do të performojnë jo vetëm hitet e njohura, por edhe aranzhimet e tyre të reja akustike. Së bashku me Dobrin Vekillov - Doni, Ivan Leçev, Sllavço Nikollov dhe Venko Poromanski, në mbrëmjen e së dielës në Sofia Live Club do të jenë mysafirët e tyre special - një nga zërat më të njohur dhe më të dashur të rock-ut bullgar - vokalisti i B.T.R. Atanas Penev dhe Valldi Totev - kompozitor, vokalist dhe pianist i grupit "Shturcite".
Foto: BGNES, Facebook /Common People, Facebook /SoFest Autumn 2024
Përgatiti në shqip dhe publikoi: Vesella Mançeva
Të bësh ëndrrën tënde realitet në ritmin bullgar dhe në tokën franceze. Kështu mund ta fillojmë në mënyrë metaforike historinë e muzikantes dhe pedagoges Stefka Miteva dhe trios bullgaro-franceze "Orenda", në të cilën i bashkohen edhe Sandrine..
Ndër ngjarjet që Kori i Fëmijëve të Radios Kombëtare Bullgare, i dirigjuar nga Venecia Karamanova, po ia kushton 65-vjetorit të tij, është koncerti "FIESTA - gëzimi i të bërit muzikë". Më 23 tetor, në orën 19:30 në Sallën 3 të Pallatit Kombëtar..
Gjatë 14 viteve, që kur është në skenë, Mihaella Fileva u afirmua si një nga këngëtaret më të suksesshme të brezit të ri në Bullgari, duke fituar zemrat e një publiku të gjerë. Më 22 tetor në një koncert madhështor në Sofje ajo do të prezantojë këngët..
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian..
Reshje
Vranësira
Vranësira të dendura me shi