Me këngën e tyre të re “Më zgjo në maj” Mary Boys Band e përmbushin premtimin e tyre për të përjetuar verën fund e krye. Besnik ndaj vetes, në prag të dimrit, muzikantët na zhytin në emocione të ngrohta, karakteristike për të gjitha këngët e tyre të tri dekadave të fundit. 

• Për “Mary Boys Band” vera zgjat deri më 25 tetor me "Peizazh me ngjyra"

Këngëtarja e grupit, Maria Mutafçieva, pranon se vera është brenda shpirtrave të tyre dhe se e mbajnë brenda vetes, në mënyrë që të ndihen rehat gjatë gjithë vitit:

"Më zgjo në maj". Kjo frazë nga refreni më ra në mendje në fund të një vere dhemë dukej magjike, dhe për shumë vite më përndiqte. Kështu lindi refreni:

Deti, era dhe ti...

Valët jeshile po ziejnë...

Unë jam duke pirë verën në buzë ...

Më zgjo në maj!

Sikur këto valë jeshile të jenë një lloj ilaçi, një lloj eliksiri që nuk e kam provuar. Por a është helmues, nëse do ta pish - çfarë do të ndodhë? Si në një përrallë. Në fakt është një përrallë “Më zgjo në maj”, por kjo është jeta e secilit prej nesh.”

Muzikën dhe aranzhimin e këngës "Më zgjo në maj" e bëri Mirosllav Mutafchiev, i cili i krijoi në bazë të refrenit. Maria e shtoi tekstin pas asaj, gjë që i mori kohë, sepse deshi që çdo fjalë të jetë në vendin e saj, të jetë e fortë, të jetë universale, të jetë diçka që secili prej nesh e ndjen.

Lexoni më shumë:

• Maria Mutafçieva-Meri: Dhurata më e çmuar janë ditët e lumtura me njerëzit tanë më të afërt

• Maria Mutafçieva: Dashuria gjithmonë ka qenë forcë lëvizëse për mua

• Mary Boys Band prezantoi albumin e ri “Ditët e lumtura”

• Maria Mutafçieva prezanton albumin e saj të parë solo “Vazhdo të ëndërrosh”

• "Përshëndetje" - diçka e re nga Mary Boys Band