Nis punën kontingjenti i përbashkët i oficerëve nga Bullgaria, Austria, Rumania dhe Hungaria, i cili do të forcojë sigurinë e kufirit të Bullgarisë me Turqinë, i cili tashmë është i jashtëm i Shengenit. Ministrat e brendshëm të Rumanisë - Katëlin Predoju dhe të Hungarisë - Shandor Pinter, si dhe një delegacion i kryesuar nga Franc Ruf - drejtor i përgjithshëm i sigurisë publike i Ministrisë Federale të Brendshme të Austrisë, mbërritën në vendin tonë enkas për këtë ngjarje. Në ceremoninë zyrtare, ministri i brendshëm bullgar Daniell Mitov tha se kontingjenti i përbashkët është një shenjë e solidaritetit të vërtetë evropian. “Emigrantët dhe kontrabandistët nuk kanë asnjë shans në kufirin bullgaro-turk”, theksoi ai në nënshkrimin e marrëveshjes për kontingjentin e përbashkët. Sipas Mitovit, fluksi i refugjatëve nëpër vendin tonë është në rënie, njofton BNR Stara Zagora.

Vendosja e kontingjentit të përbashkët në kufirin tonë me Turqinë u ra dakord në dhjetor 2024 dhe u regjistrua në një deklaratë të përbashkët të ministrave të brendshëm të katër vendeve në takimin e tyre në Budapest. Mitov theksoi se nuk ka afat për kontingjentin e përbashkët.