Në një takim të përbashkët të Byrosë Qendrore Operacionale dhe Grupit Parlamentar të partisë DPS-DPS rreth kryetarit nderi Ahmed Dogan, u vendos që lëvizja të tërheqë mbështetjen e saj për shumicën qeverisëse. Si arsye, deputeti Valentin Tonçev theksoi se "institucionet shtetërore vazhdojnë të shfrytëzohen për represion, sistemi gjyqësor është edhe më i varur, korrupsioni dhe kontrabanda po lulëzojnë". "Fatkeqësisht, GERB, BSP dhe "Ka një popull të tillë" (ITN) e braktisën kordonin sanitar dhe demonstrojnë kategorikisht se u shërbejnë interesave të Deljan Peevskit, i cili i vetëm menaxhon Këshillin e Ministrave", shtoi Tonçev.

Pas vendimit të DPS-DPS, grupet parlamentare të GERB-SDS, BSP dhe ITN dolën me një qëndrim të përbashkët se Bullgarisë i duhet një qeveri e rregullt që do të zbatojë politika që mbështesin sundimin e ligjit, konkurrueshmërinë e ekonomisë, sigurinë, mbrojtjen dhe të drejtat sociale të qytetarëve. Hyrja e Bullgarisë në eurozonë, stabilizimi i financave publike dhe shpëtimi i fondeve në kuadër të Planit të Rimëkëmbjes dhe Qëndrueshmërisë mbeten prioritetet e qarta të qeverisë, deklaruan tri partitë që mbeten pas qeverisë.

Lesoni më shumë mbi temën në arkivin tonë:

• DPS-DPS vendos nëse do të vazhdojë të mbështesë qeverinë

• Ahmed Dogan pranoi probleme serioze në organin kolektiv të DPS-së