Një libër i veçantë ngushëllimesh u hap sot në Nunciaturën Apostolike në Sofje në lidhje me vdekjen e Papës Françesku. "Ai dinte të zhvillonte një dialog me njerëzit e kohës sonë me thjeshtësi dhe sinqeritet, duke kërkuar gjithmonë atë që na bashkon dhe na bën të rizbulojmë veten si vëllezër", thekson Kisha Katolike në Bullgari në një njoftim për shtyp. Qytetarët që vijnë që nga mëngjesi e përshkruajnë Papën e ndjerë si një shërbëtor të përulur të paqes dhe shpresës, njoftoi BNT. Libri i ngushëllimeve do të jetë i hapur sot nga ora 15:30 deri në orën 18:00, nesër nga ora 9:30 deri në orën 12:30 dhe nga ora 15:30 deri në orën 18:00 në rrugën "11 Gusht" Nr. 6.

Një meshë mortore për Papën Françesku do të mbahet më 28 prill nga Nunci Apostolik Imzot Luçano Suriani dhe peshkopët e Kishës Katolike në Bullgari, në orën 18:00. në bashkë-katedralen "Shën Jozefi" në rrugën Princi Boris I Nr. 146 në Sofje.

Lexoni më shumë nga arkivi i Radio Bullgarisë:

• Reagimet në Bullgari pas vdekjes së Papës Françesk

• Papa Françesku asistoi në shërbimet e Pashkëve me një omofor nga Bullgaria

• Katolikët në Bullgari kujtojnë me dashuri takimet e tyre me Papën Françesk – Papa i Paqes dhe i Mëshirës