Sipas një sondazhi të realizuar nga “Sova Haris” në qershor, fushata informative e qeverisë për anëtarësimin në eurozonën nuk është bindëse, transmeton BTA.

Sipas të njëjtit sondazh, 60.1% e bullgarëve besojnë se me heqjen e levës shteti humb identitetin e vet, ndërsa 29.8% mendojnë se përfshirja e simboleve bullgare në monedhën evropiane do të përforcojë identitetin kombëtar.

64.5% e të anketuarve mbështesin mbajtjen e një referendumi për aplikimin e euros, ndërsa 23.9% janë kundër. 11.6% nuk kanë një mendim të qartë.
Sipas 68.7% të qytetarëve të pyetur, një referendum për këtë çështje është dashur të mbahej që në fillim të procesit.

Ndërkohë, 37.2% e të anketuarve mendojnë se Bullgaria ka edhe një rrugë tjetër zhvillimi përveç euros, ndërsa 38.4% besojnë se nuk ka alternativë tjetër. 24.2% nuk kanë një qëndrim të formuar.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: https://sovaharris.com