Më 1 korrik 1925, në orën 16:00, në Teatrin e Vjetër të qytetit Stara Zagora u ngrit perdja për shfaqjen e parë operistike jashtë kryeqytetit në Bullgari. "Gergana" nga Maestro Georgi Atanasov ishte zgjedhja e entuziastëve vendas.
Më 1 korrik 2025, Opera Shtetërore – Stara Zagora feston 100-vjetorin e saj. Trupa e parë operistike jashtë Sofjes dhe e vetmja që ka funksionuar pa ndërprerje që nga themelimi, ka planifikuar për vitin jubilar realizimin e dhjetë premierave operistike dhe të baletit, shfaqje të Studios për Fëmijë dhe të Rinj për Opera dhe Balet, vepra të njohura nga repertori botëror me emra të famshëm, turne artistike, ekspozita, emisione televizive dhe radiofonike, si dhe forume diskutimi.
Kulmi i festimeve do të jetë pikërisht më 1 korrik, në ditëlindjen e teatrit, me një gala madhështore operistike në Forumin Antik “Augusta Trajana”, që do të nisë me skenën e famshme triumfale nga “Aida” e Verdit.
Një fragment nga opera themelore “Gergana” do ta kthejë publikun pas në kohë, në vitet e entuziazmit rilindas dhe guximit të atyre të parëve që, në vitin e largët 1925, guxuan ta ndjekin ëndrrën romantike që Stara Zagora të ketë operën e vet! Çdo fragment nga programi i koncertit festiv mbart historinë e vet të fuqishme në kronikën 100-vjeçare të Operës. Festimi do të zbukurohet gjithashtu me skena koreografike nga vepra që, në sezonet e fundit, kanë shënuar faqet e reja të kronikës së baletit të teatrit me suksese të mëdha brenda dhe jashtë vendit.
Të ftuar të veçantë në koncertin gala janë “zërat e artë” të Bullgarisë: Krasimira Stojanova, Nadja Krësteva, Kirill Manollov dhe Ivan Dimitrov. Së bashku me solistët e shquar të Operës së Stara Zagorës, ata do të interpretojnë arie të dashura, duete dhe ansamble nga kryevepra operistike që kanë qenë gurë themeli në historinë e teatrit. Në pulitin dirigjues do të alternohen dirigjenti kryesor i teatrit operistik, maestro Ivajllo Krinçev, dhe kolegu i tij i ri Viktor Krumov. Për korin do të kujdesen mjeshtrit e artit koral Mlladen Stanev dhe Stefania Ruseva.
Më 1 korrik 2025, në orën 19:00 (para koncertit festiv në Forumin Antik), në shëtitoren më jugore të parkut “Pesë Tetori” do të hapet ekspozita foto-dokumentare “100 vite në 100 imazhe”, me fotografi nga 100 vitet e historisë së operës. Ekspozita do të jetë udhëtuese dhe dygjuhëshe – në bullgarisht dhe anglisht – dhe planifikohet të shoqërojë turnetë e trupës brenda dhe jashtë vendit. Po ashtu është në proces përgatitja e një pullë postare jubilare me temën “100 vite Opera e Stara Zagorës”, e cila do të zyrtarizohet gjatë Festivalit të Artit Operistik dhe të Baletit, personalisht nga ministri i transportit.
Mësoni më shumë për Operën e Stara Zagorës nga arkivi i Radio Bullgarisë:
Redaktoi: Cvetana Tonçeva
Përgatiti në shqip dhe publikoi: Svetllana Dimitrova
Foto: Opera Shtetërore Stara Zagora
Pas një serie të suksesshme të versioneve cover , DEEP ZONE Project e fillojnë verën me një këngë të re, krejtësisht origjinale. Përderisa muzika e "Mos më zgjo" u krijua nga vetë grupi, në tekstin ndihmuan Roberto Nikollov dhe Vanja Shtereva...
Nga 27 deri më 29 qershor, Pllaja Devetashko dhe fshatrat e rajonit janë shndërruar në skenën e festivalit "Xhazi nën Yje". Edicioni i njëmbëdhjetë i një prej ngjarjeve muzikore më poetike në vendin tonë filloi të premten në mbrëmje, 27..
Nga krijimet e të gjithë kompozitorëve bullgarë, muzika e Panço Vlladigerovit është pa dyshim më e interpretuara si në skenën bullgare, ashtu edhe në atë botërore. Kur muzikantët bullgarë duan të përfaqësojnë atdheun e tyre përmes kujtesës së tij zanore,..
Adhuruesit e xhazit, si çdo vit, e presin me padurim në fillim të korrikut Festivalin Ndërkombëtar A to JazZ . Këtë vit ai do të zhvillohet nga data 3..
Verka Siderova, zëri i artë i Dobruxhës dhe i Bullgarisë, përfundoi udhën e saj tokësore në moshën 99-vjeçare. Lajmin e hidhur e bëri të ditur familja e..
Krijimet e muzikantit të madh Dimitër Vëllçev për skenën bullgare, kinemanë, televizionin dhe në zhanret popullore, janë jo vetëm mbresëlënëse, por edhe..
Mot i kthjellët