Kostadin Gugovi – interpretuesi më i shquar i këngëve popullore bullgare nga krahina e Maqedonisë

botuar më 10-02-11 2.03.MD

AUDIO

Update Required To play the media you will need to either update your browser to a recent version or update your Flash plugin.

Kostadin Gugovi lindi më 12 shkurt të vitit 1935 në familjen e refugjatëve nga rajoni i qytetit Kukush të Maqedonisë së Egjeut. Ai ishte nip i një muzikanti të orkestrës së garës. Në të gjitha intervistat e veta, Kostadin Gugovi kujton se në shtëpinë amtare të gjithë këndonin. Vet ai rriti me këngët e së ëmës Jova Trëpkova, të cilat më vonë e përfshiu në repertorin e vet. Mësuesi i parë i këngëtarit Kostadin Gugov ishte i afërmi i familjes Vangell Trajkov. Ai e këshillonte Kostadinin e ri të këndojë me lehtësi pa tension. Këngëtari e pasuroi repertorin e vet me këngët origjinale të një krahine të tërë etnografike. Në repertorin e tij u përfshin këngët më të mira të Maqedonisë së Egjeut, të Vardarit dhe të Pirinit – territore bullgare të ndara sipas marrëveshjeve ndërkombëtare në tri shtete.

Në vitet 50-të të shekullit XX fizarmonicisti Stefan Demirev zbuloi zërin pushtues të këngëtarit Kostadin Gugov. Atëherë ai ishte 18-vjeçar dhe për herë të parë doli në skenën e madhe. Bashkë me grupin popullor pranë Drejtorisë së Koncerteve ai jepte koncerte jo vetëm në vendin tonë por edhe jashtë shtetit. Në atë kohë ai këndonte në një skenë bashkë me instrumentistët dhe këngëtarët më të mirë të kësaj kohe si Boris Karllovi, Mita Stojçeva, Atanaska Todorova, Boris Mashallovi. Pas sukseseve të shumta skenike Redaksia “Muzika popullore” pranë Radios Kombëtare Bullgare e ftoi këngëtarin Kostadin Gugov të realizojë incizime për fondin e radios. Më vonë këngët e tij u incizuan edhe në një pllakë gramafoni nga “Ballkantoni”. Këngë të tij u përfshin edhe në Albumin “Këngët e përjetshme të Bullgarisë”. Në vitin 1999 në tregun muzikor doli albumi solo i këngëtarit Kostadin Gugov me këngë nga krahina e Maqedonisë. Në të një vend të denjë zënë këngët me tematikë historike.

Kostadin Gugovi është interpretuesi më i respektuar dhe i talentuar i këngëve popullore maqedonase. Vet ai thoshte se kënga popullore për të është gëzim dhe prehje shpirtërore. Këngëtari është mbajtës i shumë çmimeve kombëtare dhe ndërkombëtare. Ndër dallimet e shumta patjetër duhet të përmendim “Nestinarka” për krijimtarinë e tërësishme nga Festivali Ndërkombëtar Folklorik në qytetin Burgas.

Përgatiti në shqip: Svetllana Dimitrova

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Kostadin Gugovi – interpretuesi më i shquar i këngëve popullore bullgare nga krahina e Maqedonisë

Më shumë nga rubrika

"Vetmia"

Papi Hans me një këngë të re të nxehtë latine – "Е pafajshme"

Violina unike dhe surpriza intriguese në edicionin vjeshtor të "Festivalit Evropian të Muzikës"

Festë latine me Korin e famshëm të Fëmijëve të Radios Kombëtare Bullgare dhe muzikantë të ftuar mbresëlënës

Mihaella Fileva sjell hitet e saj pop në version simfonik

Trioja nga Parisi "Orenda" prezantoi për herë të parë në Sofje një repertor tërësisht bullgar