Në momente të vështira populli bullgar drejtohet te Zoti. Gjatë sundimeve të huaja bullgarët kanë ruajtur identitetin e tyre falë besimit në Zot. Drita e qirinjve në kisha ka ngjallur shpresën për kohëra më të mira. Sot kur jemi rënë në varfëri dhe nuk po gjemë rrugëdalje nga kriza, e kërkojmë shpëtimin në kishë. Të paktën tempulli i Zotit është vendi ku gëzohet zemra e qetësohet shpirti.

Në ditët e festave ortodokse grumbullohen grupe njerëzish në kisha dhe manastire. Ata besojnë se do të gjejnë shërim për plagët në trup dhe në zemër. I riu Dian shet tekste ortodokse dhe ikona në një kishë në kryeqytetin e Sofjes. Ai thotë se kohët e fundit Bibla kërkohet dendur, sepse njerëzit janë të dëshpëruar.

“Gjithnjë e më shumë njerëz vijnë këtu. Ata janë të moshës së ndryshme, dallohen për nga gjinia, profesioni dhe gjendja financiare – rrëfen Dian. – Besimtarët të cilët kanë bërë lutje para ikonës çudibërëse të Shën Minait, rrëfejnë për çuditë që u kanë ndodhur. Shikoj se si njerëzit bëjnë rrugën drejt Zotit dhe kuptojnë dobësinë e tyre pa besimin.”

© Foto: BGNES