Kryetari i një fshati të vogël malor në Bullgari ofron: banesë dydhomëshe për gruan e cila martohet për mjek dhe e bind atë që të ushtrojë profesionin te 970 vendasit. Kjo ide pasqyron shumë mirë problemet në sistemin e shëndetësisë në Bullgari.
“Nëse ka shpërblim për migrimin më të diskutueshëm, pa dyshim do t’u jepet mjekëve. Migrimi i përparëseve të bardha pasqyron të gjitha problemet e migrimit të bullgarëve në përgjithësi.” Kjo është tema e kumtesës së Doc. Anna Krësteva nga Universiteti i Ri Bullgar. Sot ajo merr pjesë në konferencën shkencore “Bullgarët jashtë shtetit, të huajt në Bullgari: institucionet, organizatat dhe jeta shoqërore”. Konferenca organizohet nga Instituti i Studimeve Etnografike dhe Folklorike pranë Akademisë Bullgare të Shkencave.
“Migrimi i mjekëve tërheq vëmendjen e publikut të gjerë, sepse e ka karakterin të jashtëzakonshëm i cili ka të bëjë me katër dimensionet sociale te të cilët është drejtuar – pohon Doc. Anna Krësteva. – Dimensioni i parë është ai profesional. Mjekët janë pjesë e migrimit të kuadrove profesionalë, të trurit mobil. I dyti është dimensioni ekonomik. Pjesa e sektorit të shëndetësisë në ekonomitë e fuqishme është e madhe kështu që ky sektor do të vazhdojë të zhvillohet më tej. Dimensioni i tretë është ana humane. Pak profesione janë me betim si ai i Hipokratit. Pra, mjekësia është me karakter të jashtëzakonshëm në dobi të shoqërisë. Dimensioni i katërt është ai demokratik. “Mjekët pa kufij” është një organizatë e madhe ndërkombëtare e cila zhvillon veprimtarinë humane kudo në botë. Mjekët në vend gjithashtu janë me pozitë shoqërore, të shprehur qartë. Që në fillim të ndryshimeve demokratike i pamë ata si aktorët më aktivë. E gjitha kjo e bën migrimin e mjekëve një moment kyç dhe po ta vërejnë atë do të kuptojmë specifikat e migrimit të bullgarëve në përgjithësi.”
Mjekët, si dhe shumë bullgarë me profesione të tjera, bëhen gjithnjë e më pak emigrantë dhe njëkohësisht më shumë mobilë. Elitat politike e përshkruajnë migrimin e mjekëve si humbje e profesionalistëve të rinj bullgarë, investim në arsim dhe sisteme donatorësh të shëndetësisë së vendeve evropiane me ekonomi të zhvilluara. Mirëpo, mjekët në migrim vënë në dukje njohjen e tyre jashtë shtetit, të ardhurat më të larta dhe mundësitë më të mëdha për realizim profesional. Për mendimin e Doc. Krësteva pikëpamjet janë dy:
“Njëra është pikëpamja e shtetit, tjetra – e qytetarëve të përgjegjshëm, të cilët e zotërojnë jetën e tyre. Paaftësia e elitave bullgare ta perceptojnë migrimin e madh të mjekëve si gabim politik, tregon sa dritëshkurtër janë politikanët tanë. Sivjet është ceremonia zyrtare e dorëzimit të diplomave në Akademinë e Mjekësisë në Sofje. Diplomanti më i mirë thotë: “80 për qind e mjekëve të rinj kërkojnë të realizohen jashtë shtetit”. Kjo është një kritikë e qartë e problemeve në sistemin e shëndetësisë. Gjë të cilën politikanët tanë nuk duan ta kuptojnë.”
Derisa politikanët bullgarë ankohen, mjekët përfitojnë nga format e reja dhe të shumëllojshme të mobilitetit, thotë Doc. Krësteva, duke sqaruar se mjekët bullgarë duan të jenë pjesë e hapësirës profesionale të mjekësisë evropiane dhe ndërkohë harmonizojnë mjekësinë vendore me atë evropiane.
Doc. Anna Krësteva është kategorike se në vend të parë mobiliteti i mjekëve ka të bëjë me faktin se në Bullgari ata nuk marrin njohjen e merituar dhe së dyti, nuk marrin rogë të mjaftueshme. Gjëja tjetër të cilën duhet të kuptojnë është dinamika e valës së re të mjekëve. “Mobiliteti është ilaçi më i mirë i migrimit”, pohon kategorikisht Doc. Krësteva.
Përgatiti në shqip: Anna Kapitanova
Muzeu i Aviacionit në Burgas ia kushton muajin shtator një prej ekspozitave të tij të veçanta - helikopterit Mi-2, fluturimi i parë i të cilit ishte më 22 shtator 1961. Të apasionuarit pas aviacionit, banorët dhe turistët e qytetit tonë bregdetar..
Anëtarja e re e Këshillit të Mediave Elektronike, Këdrinka Këdrinova, nga kuota e presidentit, u prezantua zyrtarisht në mbledhjen e Rregullatorit të Mediave më 12 shtator, njoftoi reporterja e BNR, Maria Kostova. Me dekret të kreut të shtetit..
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të ndërmarrin iniciativa të përbashkëta për të promovuar veprimtarinë shkencore dhe kërkimore të..
Më shumë se 55 mijë fëmijë bullgarë do të kalojnë për herë të parë pragun e shkollës, me frikë dhe emocione. Më 16 shtator nxënësit e klasës së parë do..
Patriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot..
Hekurudha nëntokësore e qytetit të Sofjes doli të ishte ndër më të pëlqyerat në Evropë. Metroja e Sofjes renditet e dyta, e tejkaluar vetëm nga ajo në..