Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Edicioni i 47-të i Konkursit të Këngës Pop dhe Rok të Radios Kombëtare Bullgare “Zllatna Prolet”

Çmimin e parë e fitoi krijuesi i ri Dimitër Atanasov me këngën prej autori “Po kthehem”.
Foto: arkiv personal

Që nga vet themelimi i Radios Kombëtare Bullgare muzika zë një vend qendror në programet e saj. Një nga dëshmitë e shumta për këtë është edhe Konkursi i këngëve të reja bullgare pop dhe rok “Zllatna “Prolet” ose “Pranvera e Artë”. Ai u organizua për herë të parë në vitin 1970, ndërsa sivjet u mbajt edicioni i 47-të. Ideja është, që të prezantohen si interpretues të njohur, ashtu edhe t’u jepet shans këngëtarëve dhe autorëve të rinj të pa afirmuar.

Konkursi është për këngë të re bullgare dhe ai përbën një sfidë të vërtetë për kompozitorët, poetët dhe aranzhuesit. Në skenën e studios së parë të radios prezantohen interpretues dhe krijues, të seleksionuar paraprakisht nga një komisioni. Ai përbëhet nga redaktorë muzikorë – drejtues të programeve për muzikën bullgare. Në zgjedhjen e 11 këngëve finaliste, votuan si dhe dëgjuesit e Radios Kombëtare Bullgare, ashtu edhe një juri profesionale.

Çmimin e parë e fitoi krijuesi i ri Dimitër Atanasov me këngën prej autori “Po kthehem”. Pasi e mori dekoratën për dëgjuesit e Radio Bullgarisë Dimitër Atanasovi tha:

“E prezantuam këngën “Po kthehem” në një version akustik. Ne të tre – Mariana Popova – vokal, Aleks Nushev – kitarë dhe aranzhues dhe unë – vokal dhe piano. Mendoj, se kjo këngë do të gjejë admiruesit e saj. Tani do të incizojmë edhe në studio. Shpresoj, se ajo do të hyjë në programet e Radios Kombëtare Bullgare.”

Dëgjuesit e Radios Kombëtare Bullgare gjithashtu votuan për këngë. Ata zgjodhën “Një fillim” në interpretim të këngëtares Milena Kostova. Autor i muzikës është Eftim Çakërov. Teksti u krijua në bashkëpunim midis këngëtares dhe muzikantes Radomira Mihova. Milena Kostova ka mbaruar Universitetin e Ri Bullgar, këndimin pop dhe xhaz. Që prej vitesh jeton dhe punon në Kopenhagë. Shfaqjet e saj janë kryesisht në skenat e klubeve evropiane. Në Bullgari kthehet për projekte dhe veprimtari të ndryshme muzikore, si konkursi në fjalë.

Në kuadrin e Konkursit “Zllatna Prolet” është traditë të jepen çmime edhe për debutim. Kështu autorët e rinj kanë mundësi të prezantohen në skenën profesionale. Sivjet këtë dekoratë e mori grupi “Hibrid” me këngën “Dritare”. Themelues i formacionit është Rene Ranev. Ai ka popullaritet me projektet e ndryshme prej autori. Këngën e krijoi në bashkëpunim me Georgi Trifonovin – autor i tekstit dhe i muzikës.

Çmimin e gazetarëve muzikorë sivjet e mori Vasill Petrovi – një këngëtar i njohur dhe i afirmuar jo vetëm në skenën amtare pop dhe xhaz, por edhe në të të huaj. Ai u prezantua me këngën “Pranvera në shpirtin tim”. Kompozitor i këngës është Valeri Petrov ndërsa autor i tekstit Ivan Bellovski.

Çmimi, te i cili synojnë shumica e interpretuesve vitet e fundit është pjesëmarrje në Festivalin në Grjoningen të Holandës. Ky është çmimi më i madh, të cilin Radioja Kombëtare Bullgare dhe Konkursi “Zllatna Prolet” i japin ndonjë interpretuesi ose ndonjë grupi. Sivjet këtë çmim e morën muzikantët e grupit “Der Hunds” për këngën “Kujtim”. Vet grupi e kompozoi muzikën sipas tekstit të Borisllav Mudollovit. “Der Hunds” është një grup i rokut alternativ. Formacioni tashmë ka dy albume dhe në kohë të afërt në tregun muzikor admiruesit e tij do të gjejnë albumin e tretë.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Emanuill Manollov (1860 – 1902)

Kryevepra të kulturës muzikore bullgare: Emanuill Manollov - “Je i bukur, o atdhe”

Më shumë për Emanuill Manollovin mund të lexoni në arkivin e Radio Bullgarisë : 155 vjet nga lindja e atit të operës bullgare Emanuill Manollov Përgatiti në shqip dhe publikoi: Vesella Mançeva Foto : Wikimedia Commons, Dimitër..

botuar më 25-10-10 7.05.PD

"Len Peri" – një këngë e re e bazuar në një histori të vjetër nga folklori shop

Kalina dhe Joana Andreevi janë marrë me muzikë gjithë jetën e tyre. Edhe pse kanë një arsimim muzikor klasik, si bija të këngëtares, dirigjentes dhe pedagoges vokale Neli Andreeva dhe dirigjentit, kompozitorit, aranzhuesit dhe instrumentistit..

botuar më 25-10-09 6.05.PD

"Ajo që na ndan" – një këngë për momentin e sinqeritetit me veten

Dy vajza të reja - Elisaveta Tasheva - eleeza dhe Rada Ilieva - kanë kënduar që në moshë të vogël, por gjithashtu kanë krijuar këngë të tyre origjinale. Tani, të bashkuara nga pikëpamjet e tyre të përbashkëta mbi muzikën, ato prezantojnë këngën e..

botuar më 25-10-08 6.15.PD