Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Homage to Ella Fitzgerald” – një projekt i ri i këngëtares Hillda Kazasjan

БНР Новини
Foto: BGNES

Në vitin 2017 mbarë shoqëria botërore muzikore shënoi tre përvjetorë – 100 vjet nga lindja e këngëtares Ella Ficxherralld, е trumbetarit Dizli Gilespi dhe е pianistit Telloniës Monk. Kjo u bë shkak që shumë muzikantë në shenje respekti të rikrijojnë, sipas përfytyrimeve, kompozimet e tyre të përjetshme. Projekti i ri i këngëtares Hillda Kazasjan “Homage to Ella Fitzgerald” është sfida e radhës muzikore i hedhur asaj nga talenti i kësaj këngëtare amerikane xhaz.

Projekti përmban 12 prej këngëve të saj me popullaritet më të madh, të cilat Hillda Kazasjan prezanton bashkë me muzikantët Hristo Jocov (bateri) dhe Dimitër Karamfillov (kontrabas). Për këtë se si lindi ideja, vet këngëtarja rrëfen:

Këtë ide e provokoi këngëtarja Mirosllava Kacarrova – organizatore e festivalit më të mirë xhaz tek ne Pllovdiv Xhaz Fest. Atëherë për herë të parë prezantova një program kushtuar përvjetorit të lindjes së këngëtares Ella Ficxheralld. Zakonisht punoj me muzikantët Hristo Jocov dhe Dimitër Karamfillov, por në Pllovdiv Xhaz Fest e prezantova programin me JP3 (Zhivko Petrov – piano, Veselin Veselinov – Eko – bas dhe Dimitër Semov – bateri). Pasi Hristo Jocovi e dëgjoi incizimin e koncertit vendosëm të bëjmë një album të tërë dhe të realizojmë një turne duke prezantuar këngët. Kështu krijuam një projekt, i cili si aranzhim dallohet nga të gjithë të deritanishme. Hristo Jocov dhe Dimitër Karamfillov bënë aranzhime shumë origjinale të këtyre këngëve aq të njohura të këngëtares Ella Ficxheralld.

Për promovimin e albumit Hillda Kazasjan tregon:

Në fakt ky është albumi im i parë në të cilin këngët janë në stilin xhaz. Vet muzika predisponon që secili nga muzikantët të ketë një liri dhe të japë nga vete më të mirën. Për koncertet tona zgjodha prapë salla teatrore. Turneu përshfin qytetet Burgas, Pllovdiv, Stara Zagora, Dobriç, Varna, Ruse. Muajin shtator kemi ndërmend ta prezantojmë albumin edhe në Festat e Artit “Apollonija” në amfiteatrin në Sozopoll.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Trioja

Trioja nga Parisi "Orenda" prezantoi për herë të parë në Sofje një repertor tërësisht bullgar

Të bësh ëndrrën tënde realitet në ritmin bullgar dhe në tokën franceze. Kështu mund ta fillojmë në mënyrë metaforike historinë e muzikantes dhe pedagoges Stefka Miteva dhe trios bullgaro-franceze "Orenda", në të cilën i bashkohen edhe Sandrine..

botuar më 25-10-23 7.00.PD

Festë latine me Korin e famshëm të Fëmijëve të Radios Kombëtare Bullgare dhe muzikantë të ftuar mbresëlënës

Ndër ngjarjet që Kori i Fëmijëve të Radios Kombëtare Bullgare, i dirigjuar nga Venecia Karamanova, po ia kushton 65-vjetorit të tij, është koncerti "FIESTA - gëzimi i të bërit muzikë". Më 23 tetor, në orën 19:30 në Sallën 3 të Pallatit Kombëtar..

botuar më 25-10-23 5.55.PD

Mihaella Fileva sjell hitet e saj pop në version simfonik

Gjatë 14 viteve, që kur është në skenë, Mihaella Fileva u afirmua si një nga këngëtaret më të suksesshme të brezit të ri në Bullgari, duke fituar zemrat e një publiku të gjerë. Më 22 tetor në një koncert madhështor në Sofje ajo do të prezantojë këngët..

botuar më 25-10-22 8.20.PD