Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Videoja e re muzikore “Mërfi” – talent, imagjinatë dhe aftësi artistike

Gjatë ditëve të fundit në rrjetet sociale u paraqit një video e re - e këngës “Mërfi”. E zgjodhëm për ta prezantuar për shkak të fantazisë së freskët  dhe zgjidhjeve tepër interesante të regjisorëve, si dhe të vështrimit rinor ndaj temave jetike, të vjetra sa bota - një dashuri romantike, ndarje, një kujtim i papritur pas viteve dhe vetëdije se dashuria dhe ky njeri gjoja nga e kaluara ka mbetur të paharruar për gjithmonë.

Kënga lind gjatë vitit të kaluar mësimor. Çdo gjë fillon nga një detyrë e të folurit skenik për studentët në Akademinë Kombëtare të Arteve Teatrale dhe të  Filmit “Krëstjo Sarafov”. Të ndarë sipas grupeve, ata duhet të përgatisin projekt lidhur me krijimtarinë e poetëve bullgarë. Në një nga grupet punojnë bashkë Eleonora Ivanova- artiste në video, Teodor Kisjov - autor i muzikës dhe i aranzhimit, si dhe Zhaklin Daskallova - bashkautore në krijimin e tekstit dhe të muzikës dhe interpretuese e këngës “Mërfi”.

Për Radio Bullgarinë zonja e re tregon: “Atëherë zgjodha poemën “Kujtime nga tavani” nga Valeri Petrov. Doli se, nuk kemi zgjedhur tekstin e saktë kundrejt detyrës së vënë dhe u nevojit të kërkojmë një autor tjetër. Por unë u dashurova kaq shumë në poezinë e Valeri Petrovit, në ritmikën e vjershave të tij të shkëlqyera, në vet poemën, saqë lindi kënga “Mërfi”.  

Është interesante të përmendim se “Kujtime nga tavani” të Valeri Petrovit është një poemë prej shtatë pjesëve. Zhaklin zgjodhi një pjesë, e cila tregon për çastet e para të dashurisë:

Teksti i refrenit, i shtuar nga këngëtarja , i jep dhe titullin këngës:

“Dje, sot dhe nesër po kështu

Ne luajmë kundra ligjit të Mërfit...”

Nga Zhaklin mësuam akoma se pjesëmarrësit në krijimin e këngës aktualisht janë studentë në kursin e katërt, në degën e mjeshtërisë prej aktori për teatrin dramatik, në klasën e profesorit doktor Ivajllo Hristov. Përveç teatrit, ata mundohen të zhvillojnë dhe talentin e vet muzikor, kurse kënga “Mërfi” është një nga provat e tyre të para. Videoja është incizuar në një gurore afër Sofjes. Pjesa tjetër është talent, imagjinatë  aftësi artistike.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

"Nata vdes vetëm" ... një duet debutues nga dy aktorë të rinj

Dy aktorë të rinj - Alena Vergova dhe Bojan Todorov - prezantojnë këngën e tyre duet, të titulluar "Nata vdes vetëm". Kjo është gjithashtu kënga e parë nga albumi i ardhshëm debutues i Bojan, i cili na tregoi se si lindi ideja: "Po këndoja..

botuar më 25-09-30 6.10.PD

"Para se të thuash jo" – grupi D2 kthehet në formacionin e tij origjinal

Një rikthim i shumëpritur është tani fakt - 19 vjet më vonë, D2, një nga grupet më të dashura të rokut, është rikthyer në formacionin e tij origjinal. Gjatë këtyre pothuajse dy dekadave, ideja e kthimit të Diço-s si frontman është diskutuar..

botuar më 25-09-29 6.00.PD

Mijëra njerëz do të ndjekin yllin botëror Robbie Williams në Sofje

Ylli botëror i muzikës pop Robbie Williams do të takohet me fansat e tij në Bullgari për herë të dytë. Këtë herë koncerti do të jetë në kryeqytet, pasi këngëtari britanik këndoi në Burgas 10 vjet më parë. " Do të më gjeni në ndonjë..

botuar më 25-09-28 6.50.PD