Titulli i këngës është “Nëse ndonjëherë”, dhe premiera e videos është arsyeja që grupi të na tërheq vëmendjen mbi çmimin e fituar në shtator në Konkursin e Fondacionit “Xhon Lenën”.
X-R@Y bashkon Vesellin Kirev – vokal, Nikollaj Nikollov – tambura, Nikollaj Dimitrov – kitarë. Pikërisht ata e krijouan grupin në fund të vitit 2006. “Rrezet rëntgen depërtojnë thellë në materi. Ne duam që muzika të cilën e krijojmë të ketë të njëjtën aftësi”, shkruajnë ata në uebsajtin e tyre.
Më vonë, treshes iu bashkua Marijan Zhivkov - bateri. Në vitin 2017, muzikantët morën pjesë në Festivalin StreetMusic në Satu Mare - Rumani dhe fituan çmimin e dytë. Albumi i tyre i parë solo quhet “O.K.”. Ai doli në tregun muzikor në vitin 2019. Këngët në të kombinojnë pop, rok, blues, world, funk, reggae dhe motive folklorike bullgare. Në konkursin e krijimit të këngëve me emrin e Xhon Lenon, që organizohet në kujtim të muzikantit të madh, juria vlerëson origjinalitetin, melodinë, kompozimin, tekstin, siç është e regjistruar në kushtet e pjesëmarrjes. Fitues në kategorinë World Music, në të cilën u dekorua grupi X-R@Yа, është këngëtari irakian Agreen Dilshad. Dy interpretuesit e tjerë të dalluar së bashku me muzikantët bullgarë janë nga Japonia dhe India.
Teksti i këngës “Nëse ndonjëherë” është në bullgarisht. Në regjistrim u përfshin edhe gajdexhiu Martin Ljamov nga Ansambli Folklorik Kombëtar “Filip Kutev” dhe basisti Mirosllav Gajdarski.
Përveç promovimit në të gjitha platformat e Fondacionit Xhon Lenën, pjesë e çmimit janë lloje të ndryshme të softuerit dhe harduerit muzikor që do të përdoren në projektet e tyre të ardhshme, thonë artistët.
Përgatiti në shqip: Svetllana Dimitrova
"Një koncert me muzikë origjinale është një mënyrë e shkëlqyer për të festuar ditëlindjen," thotë me buzëqeshje një nga muzikantët më të shquar dhe krijues të xhazit në skenën bullgare, perkusionisti Hristo Jocov. Një fjalë e thënë, një gur i hedhur (Që..
Rreth dhjetë vjet më parë, një vajzë e vogël me një zë të madh u shfaq në një shfaqje televizive. 15-vjeçarja e atëhershme Mihaella Marinova tani është një këngëtare e njohur që vazhdon të zhvillohet si artiste. Gjatë kësaj kohe, ajo arriti të fitojë një..
Besnike ndaj stilit të saj karakteristik etno me një tingull bashkëkohor, Dimana Mirçeva, e njohur si DIA, na prezanton këngën e saj më të fundit - "Është vonë". Në të, këngëtarja dhe kantautorja bazohet në mesazhet e saj, si gjithmonë duke u mbështetur në..
Muzikantët nga grupi JazzBoree gërshetojnë traditën dhe modernitetin në këngët e tyre. Kështu ndodh edhe në atë të fundit – “Plladnej” (“Mesdita”),..