Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Big Bendi i BNR na dhuron një “Krishtlindje të Bardhë”

Foto: Big Bendi i BNR

Ditë të numëruara para festave të Krishtlindjeve Big Bendi e BNR-së me dirigjent Antoni Donçev fton admiruesit e tij në një koncert titulluar “Krishtlindja e Bardhë”. Do të dëgjojmë këngët e preferuara të Krishtlindjeve, standardet e xhazit dhe evergreens të interpretuara nga këngëtarët e xhazit Milica Gladnishka dhe Pavell Terzijski.

Milicën e njohim si aktore dhe këngëtare, e cila me praninë e saj mahnitëse pushton çdo skenë, qoftë teatrale apo muzikore. Përzierja me mjeshtëri e zhanreve, zotërimi i aktrimit, këndimit të operës dhe xhazit, improvizimet e saj virtuoze dhe ndjenja e shkëlqyer e humorit e afirmuan atë si një interpretuese e mirëpritur në një sërë projektesh të disa prej muzikantëve më të mirë bullgarë.

Milica Gladnishka dhe Pavell Terzijski

Pavell Terzijski është gjithashtu një krijues me talente të shumanshme, i njohur për eksperimentet e tij vokale prej novatori. Autor i tri albumeve solo dhe bashkautor në disa projekte të tjera të përbashkëta, kompozitor i muzikës teatrore dhe filmi, kërkimet e tij e çojnë në bashkëpunime me shumë nga muzikantët më interesantë dhe më të rëndësishëm bullgar të xhazit.

Pavarësisht nëse moti jashtë është me borë, më 23 dhjetor orkestra dhe dy muzikantët na premtojnë një “Krishtlindje të Bardhë” me shumë frymë festive.

E deri atëherë qëndrojmë me Milica Gladnishka, Big Bend-in e BNR me dirigjent Antoni Donçev dhe këngën “Blu”. Kjo është një nga këngët më të njohura të kompozitorit Ivan Stajkov. Është krijuar në fillim të viteve 60-rë të shekullit të kaluar. Teksti është i shkrimtarit Boris Aprilov.

Redaktore Muzikore: Diljana Traçeva

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Trioja

Trioja nga Parisi "Orenda" prezantoi për herë të parë në Sofje një repertor tërësisht bullgar

Të bësh ëndrrën tënde realitet në ritmin bullgar dhe në tokën franceze. Kështu mund ta fillojmë në mënyrë metaforike historinë e muzikantes dhe pedagoges Stefka Miteva dhe trios bullgaro-franceze "Orenda", në të cilën i bashkohen edhe Sandrine..

botuar më 25-10-23 7.00.PD

Festë latine me Korin e famshëm të Fëmijëve të Radios Kombëtare Bullgare dhe muzikantë të ftuar mbresëlënës

Ndër ngjarjet që Kori i Fëmijëve të Radios Kombëtare Bullgare, i dirigjuar nga Venecia Karamanova, po ia kushton 65-vjetorit të tij, është koncerti "FIESTA - gëzimi i të bërit muzikë". Më 23 tetor, në orën 19:30 në Sallën 3 të Pallatit Kombëtar..

botuar më 25-10-23 5.55.PD

Mihaella Fileva sjell hitet e saj pop në version simfonik

Gjatë 14 viteve, që kur është në skenë, Mihaella Fileva u afirmua si një nga këngëtaret më të suksesshme të brezit të ri në Bullgari, duke fituar zemrat e një publiku të gjerë. Më 22 tetor në një koncert madhështor në Sofje ajo do të prezantojë këngët..

botuar më 25-10-22 8.20.PD