Pas imitimeve të tij brilante që fituan zemrat e publikut në një program të njohur televiziv, muzikanti Toma Zdravkov i rikthehet imazhit të tij të idhullit artistik rock me një version të ri të një kënge të vjetër.
I orkestruar posaçërisht në frymën e rock-ut, hiti i vjetër “Mbrëmja blu” tashmë ka versionin e tij modern. E njohur për brezat e vjetër të bullgarëve nga performanca e të paharruarit Kirill Semov dhe Big Bend-it të BNR, kjo këngë është bërë një evergreen, një emblemë e pop-xhazit bullgar nga fundi i viteve 1950. Muzika e Emill Georgievit dhe teksti i Najden Vëllçevit tingëllojnë sot në stilin e Tomas dhe repertorit të tij.
Këngëtari, i njohur për fansat e rock-ut për aftësitë e tij vokale, rikrijon "Mbrëmjen blu" në një mënyrë emocionale. Ideja e aranzhimit është e Rumen Bojaxhievit (nga grupi FSB), producenti muzikor i këngës është Teodor Jankov.
I pyetur nëse është dakord që “Mbrëmja blu” të modernizohet, doajeni Najden Vëllçev u përgjigj: “Sigurisht, me gëzimin më të madh! Këngët e bukura të së shkuarës duhet të rikrijohen nga artistë të tillë të talentuar si Toma për të pasur një jetë të re dhe një audiencë të re. Kjo i bën ato të përjetshme!”
Përgatiti në shqip: Vesella Mançeva
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..